Almaty ákimdiginiń baspasóz ortalyǵynda Sıfrlandyrý basqarmasynyń basshysy Baıan Qońyrbaev barlyq memqyzmetterdi sıfrlandyrý mindetiniń aldyǵa qoıylyp otyrǵanyn habarlady, dep jazady almaty.gov.kz.

Qalalyqtar úshin aqparattyq júıeniń qoljetimdiligin barynsha jeńildetý jáne qalanyń barlyq tynys-tirshiliginiń biryńǵaı bazasyn jasaý búgindegi basty maqsattardyń biri. Sıfrlandyrý memlekettik organdardyń ashyqtyq jáne turǵyndardyń habarlaný deńgeıin arttyrady.

– Qazirgi kezde biz qalanyń barlyq nysandaryna monıtorıń júrgizemiz, sol arqyly jol jóndeý, ınfraqurylymdyq jelilerdi tartý, mektepterdiń, bala baqshalardyń, aýrýhanalardyń shoǵyrlanýy jáne basqalary boıynsha kórsetilgen servıstik jumystardy bilip otyramyz. Endi bul baǵytty odan ári jetildirip, onyń operasıalyq damý prosesine qala turǵyndaryn keńinen tartý úshin birqatar sharalardy júzege asyramyz, – dedi B. Qońyrbaev.

Sıfrlandyrý basqarmasynda birneshe bólimder bolady, olar: jobalaýdy basqarý, prosestik damý jáne ózgeristerdi basqarý, málimetterdi basqarý.

Sonymen qatar, stýdentter men túlekterdi sıfrlandyrý prosesine tartý úshin tehnıkalyq ýnıversıtetter jáne kásibı kolejdermen yntymaqtastyq ornatylatyn bolady.