Dindarlarǵa túsindirý jumystary júrgizilip jatyr

/image/2019/10/09/crop-160_79_266x355_f93db8dc-6363-4eca-871e-6b749b30e256_cx0_cy5_cw0_w650_r1_s.jpg

Ferǵana, Namangan jáne Ándijan oblystarynda quqyq qorǵaý organdarynyń, mahalla komıtetteriniń qyzmetkerleri men mektep muǵalimderi "Dinı ortany saýyqtyrý" taqyrybynda túsindirý jumystaryn júrgizgen dep jazady Qamshy.kz aqparat agenttigi centralasian.org saıtynyń deregin negizge alyp.

Ándijan oblysy Shahrıhan aýdanyna qarasty Kalacha aýylynda ótken osyndaı bir jıynnyń aýdıotaspasy Ozodlık radıosy redaksıasyna joldandy. Jınalysqa 18-19 jastaǵy er azamattar, arnaıy tizimde turǵandar, saqal ósirgender men meshitke jıi baratyndar qatysty dep habarlady derekkóz.

Aýdıotaspada Shahrıhan ishki ister bóliminiń ıspektorymen dep tanystyrǵan Elmýrad Ahmadalıev jastardy saqal qoımaýǵa shaqyrǵan. "Barlyqtaryń saqal qoısańdar, memleket isterimen jáne aýyl sharýashylyǵymen kim aınalysady? Saqaldy alpystaǵy qarttar ǵana qoıa alady" deıdi ınspektor.

Onyń aıtýynsha, "arabtardyń kıimi ózbekterge úlgi bola almaıdy". "Ata-baba dástúrin saqtaıyq. Alla bizdiń júregimizde, al qolymyz jumystan bosamasyn. Atasy kóse, balasy saqal qoıǵan degeniń baryp turǵan masqara", - dedi Elmýrad Ahmadalıev.

Mahalladaǵy jınalysta hattama toltyrylǵan. Qujatta "60 jastan asqan er azamattarǵa ǵana saqal qoıýǵa ruqsat" ekeni aıtylǵan.