Premer-mınıstrdiń orynbasary Berdibek Saparbaevtyń aıtýynsha ár azamat zeınetaqy jınaǵyndaǵy aqshanyń kólemine baılanysty jınaǵyn paıdalanýǵa múmkindik ala alady dep jazady  Qamshy.kz aqparat agenttigi

2 qyrkúıekte Qasym-Jomart Toqaev Qazaqstan halqyna alǵashqy joldaýynda úkimet pen Ulttyq bank zeınetaqy júıesiniń tıimdiligin arttyrýy jóninde sóz qozǵaǵan.

Sondaı aq prezıdent úkimetke jyldyń sońyna deıin jumys isteıtin adamdardyń zeınetaqy jınaǵynyń bir bóligin maqsatty paıdalaný máselesin pysyqtaýdy tapsyrǵan. Iaǵnı  halyqqa zeınetaqy qoryndaǵy aqshanyń bir bóligin baspana men bilimge jumsaýǵa ruqsat berý múmkin.

"Birinshiden, bul ár azamattyń zeınetaqy jınaǵyna baılanysty bolady. Ekinshiden – ómir súrý uzaqtyǵyna. Bul azamat shamamen qansha jyl zeınetaqy alatynyn esepteımiz. Iaǵnı, ómiriniń qalǵan kúnderine jınaǵan qory jete me, joq pa, soǵan qaraımyz", - dedi Saparbaev májilis kýlýarynda.  Vıse-premerdiń sózinshe, zeınetaqy jınaǵyndaǵy qarajatty alýǵa qatysty másele talqylaný ústinde jáne arnaıy jumys toby tıisti usynystardy daıyndaýda.