Qalalyq mobıldilik basqarmanyń málimeti boıynsha, bıylǵy jyly aldyńǵy jyldarmen salystyrǵanda tórt ese kóp jol salynady. Jańa Almatyda alǵash ret jańa joldardyń basym bóligi paıda bolady. Alataý aýdanynyń 13 yqshamaýdandarynda jáne Túrksib aýdanynyń bir yqshamaýdanynda 469 kóshege uzyndyǵy 121 km jol salynady. Munda 143,5 myńnan astam turǵyn turady, dep jazady qalalyq ákimdiktiń baspasóz qyzmeti.

Bul joldar Saıaly, Alǵabas-AZTM, Aqbulaq, Uljan-2, Qarasý, Kókqaınar, Áıgerim-1, Áıgerim-2, Shańyraq-1, Uljan-1, Trýdovık, Darhan-Baıbesik, Shańyraq-2 jáne Jas Qanat yqshamdaryna tıesili.

Nátıjesinde bıylǵy jyly Almaty joldarynyń uzyndyǵy 4%-ǵa artady.

Bulardan ózge, 149 kóshede uzyndyǵy 139 km bolatyn joldardy jóndeý jumystary aıaqtaldy.

Sonymen qatar, Súıinbaı dańǵylyn Sholohov kóshesinen B. Hmelnıskıı kóshesine deıin rekonstrýksıalaý aıaqtaldy. Munda Sholohov kóshesinen solǵa qaraı burylyp kiretin 1,1 km jol salyndy.

Joldyń qozǵalys bóligine asfált tóselip, solǵa qaraı burylys, trotýarlar, aryqtar jóndeldi, jaryq ornatyldy, ınjenerlik jeliler aýystyryldy jáne kógaldandyryldy. Jol jóndeý jumystary tolyǵymen aıaqtaldy.