Búgin Á. Qasteev atyndaǵy Memlekettik óner mýzeıinde qazaqstandyq sýretshi, ıadrolyq qarýǵa qarsy halyqaralyq qozǵalystyń belsendisi Káripbek Kúıikovtiń jeke kórmesi ashyldy. Kórmege avtordyń 50 kartınasy qoıyldy, dep jazady qalalyq ákimdiktiń baspasóz qyzmeti.
Ol ıadrolyq synaq qurbandarynyń portretterin salady. K. Kúıikov 1968 jyly Semeı ıadrolyq polıgonynan 100 metr qashyqtyqta ornalasqan Egindibulaq selosynda týylǵan. «Nevada-Semeı» ıadrolyq qarýǵa qarsy qozǵalystyń negizin qalaýshylardyń biri.
Alǵash ret Almatyda uıymdastyrylǵan kórmege qala ákimi Baqytjan Saǵyntaev keldi. K. Kúıikov sýretteriniń biregeıligine toqtalǵan shahar basshysy, avtordyń jumystary optımızm men ómirge degen qushtarlyqqa toly ekendigin tilge tıek etti.
«Jastarǵa tabandylyq pen batyldyqtyń úlgisin kórsete alatyn avtordyń shyǵarmashylyǵy adamnyń ishki jan dúnıesin beıneleıdi», – dedi B. Saǵyntaev.
ATOM jobasynyń Qurmetti Elshisi retinde K. Kúıikov konferensıalar men túrli sharalarda BUU jáne Qurama Shtattar Kongresi ókilderi aldynda ıadrolyq qarýǵa qarsy sóz sóıleıdi. Kórme aǵymdaǵy jyldyń 20 qazanyna deıin jalǵasady.
Pikir qaldyrý