Mádenıet jáne sport mınıstrligi endi budan bylaı mádenı-buqaralyq sharalardyń uıymdastyrýshylaryn konsertterde fonogram qoldanylatyny jóninde kórermendi qulaǵdar etýge mindettemek. Bundaı ózgerister "Ashyq NQA" portalynda jarıalanǵan zań jobasyna enip otyr, dep jazady informburo.kz saıty.
Mınıstrliktiń málimdeýinshe, bundaı ózgerister mýzykalyq týyndylardy oryndaýshylardyń deńgeıi men repertýar sapasyn kóterý, sondaı-aq fonogram qoldaný máselesin retteý úshin engizilmek.
Konsertterde ártisterdiń fonogrammen óner kórsetýi máselesin senator Sársenbaı Eńsegenov 2017 jyly kótergen. Ol bundaı nomerlerge zań júzinde tyıym salýdy usynǵan bolatyn.
– Ánshi óziniń qyzmetin satady. Kórermen ıaǵnı tutynýshy konsert kórý úshin aqsha tóleıdi. Sondyqtan ol sapaly qyzmet alýy tıis. Fonogram – satyp alyp, tyńdaýǵa bolatyn magnıtofon, dısk, nemese kasseta sıaqty, – degen edi senator.
Pikir qaldyrý