Pavlodar oblysyndaǵy Tereńkól aýylynda 28 jastaǵy áıel azamattyq nekede turǵan jubaıyn pyshaqtaǵan, - dep habarlaıdy Qamshy.kz aqparat agenttigi pavlodarnews.kz saıtynyń deregin negizge alyp. 

Pavlodar oblystyq polısıa departamenti baspasóz qyzmetiniń málimetinshe, Tereńkól aýylynda jumyssyz áıel óziniń qurbysymen ishimdik ishken.

"Úı ıesi osy ýaqytta uıyqtap jatqan. Oıanǵan soń 28 jastaǵy er adam qurbysynyń otyrǵanyna narazylyq bildirgen. Onyń ústine, áıeli júkti bolǵan. Erli-zaıyptylar arasynda janjal shyǵyp, áıel ústelden as pyshaǵyn alyp, er adamnyń keýdesine urǵan. Keıin óz is-áreketinen qorqyp, úıden qashyp ketken. Qurbysy jedel járdem shaqyrǵan. Biraq er adam kómek kelgenshe qaıtys bolǵan, - dedi PD baspasóz qyzmetiniń ókilderi. 

Osy derekke qatysty QR Qylmystyq kodeksiniń 99-baby ("Adam óltirý") boıynsha sotqa deıingi tergeý júrgizilip jatyr. Kúdikti ýaqytsha ustaý ızolátoryna qamaldy.