Atmosferanyń lastanýy búgingi kúnniń eń ózekti máseleleriniń biri bolyp qala bermek. Lastanýdyń negizgi kózderiniń biri – aýany lastaýshy zattar mólsheri shamadan tys asyp ketetin avtokólikter bolyp tabylady.

Taraz qalasyn aralaý barysynda oblys ákimi Asqar Myrzahmetov Polısıa departamentiniń bastyǵy Arman Orazalıevke ekologıalyq normalardyń saqtalýyn baqylaýdy kúsheıtý jáne atmosferaǵa avtokólik quraldarynan shyǵatyn zıandy qaldyqtardy azaıtý boıynsha sharalar qabyldaýdy tapsyrdy.

Óńir basshysynyń tapsyrmasy aıasynda PD bastyǵy qazannyń 8 men 11 aralyǵynda Oblystyq ekologıa departamentiniń zerthanalyq-analıtıkalyq baqylaý bóliminiń mamandaryn tarta otyryp, «Taza aýa» jedel-aldyn alý is-sharasyn ótkizýge bastama jasady.

Taraz qalasy PB patrúldik polısıa batalónynyń qyzmetkerleri jedel-aldyn alý is-sharalaryn júrgizýdiń birinshi kúni Ákimshilik quqyq buzýshylyq týraly kodekstiń 334-baby talaptarynyń 40-tan astam buzýshylyqtaryn anyqtady (shyǵaryndylarda lastaýshy zattardyń bolýy normatıvterden asyp ketetin avtomotokólikterdi jáne basqa da jyljymaly quraldardy paıdalaný).

Osy baǵyttaǵy jumystar jalǵasýda.

Jambyl oblysy Polısıa departamentiniń Baspasóz qyzmeti