QR Prezıdenti ákimshiligi janynan qurylǵan Jumysshy top músheleri R.S.Quttybaev pen Sh.B Baıkýbekov Jambyl oblysy Qulan aýylyna jumys saparymen kelip, birqatar áleýmettik nysandardy aralady, dep jazady Qamshy.kz aqparat agenttigi.  Jumysshy toptyń basty maqsaty - balalardyń quqyǵyn qorǵaý júıesi men aýdandaǵy balalardyń zań aıasynda quqyqtarynyń talapqa saı qorǵalýyn zerdeleý. Jumys saparyn alǵash Qulan agrotehnıkalyq kolejinen bastap, atalmysh oqý ornynyń oqý-tárbıe úrdisimen, tynys-tirshiligimen tanysty. Kolej dırektorynyń mindetin atqarýshy M.S.Bagylbekova arnaýly orta oqý ornynyń materıaldyq-tehnıkalyq bazasymen,oqý-tárbıe prosesiniń uıymdastyrylýymen tanystyrdy. Kolej oqytýshylarynyń shet memlekette biliktiligin arttyrýy, jalpy biliktilikti arttyrý jumystarynyń kedergisiz ótkizilýi, kolejdiń seriktes kolejderi jaıly suraqtar qoıylyp, naqty jaýaptar berildi. Kolej oqytýshylary Germanıa,Belorýsıa,Reseı,Chehıa,Malaızıa,Anglıada bilimderin jetildirgen. Oqytýshylardyń biliktiligin arttyrýy kedergisiz júrgiziledi. Kolej ońtústik aımaqtaǵy 3 kolejben kelisim -shart negizinde birlesken is-sharalar atqarady. Odan keıin oqý kabınetterin, dánekerleý sehy , veterınarlyq-klınıka jumysymen tanysty. «Veterınarıa» mamandyǵy boıynsha kolej kútimindegi maldyń jaı-kúıimen,ony baǵý, stýdentterdiń tájirıbe jumystarymen tanysty. Kolej ıeligindegi mal oqý prosesinde paıdalanylatyny,olardyń kútimimen óndiristik oqytý sheberleri aınalysatyny týraly,Aýyrǵan jaǵdaıda veterınarıa mamandyǵynyń oqytýshylary emdeıtini týraly aqparatqa qanyqty. Jataqhanadaǵy stýdentterdiń turmys -tirshiligimen tanysyp,Kolej meıirbıkesiniń jumysymen tanysyp, kolejdiń aýdandyq ortalyq emhanamen kedergisiz jumys atqarýy, ruqsat etilgen medısınalyq dári-dármekterdi alý múmkindigi týraly suraqtar qoıyp,naqty faktilermen aqparattar berildi.

Osy kúni jumysshy top músheleri aýdandaǵy sport salasy boıynsha №1 balalar men jasóspirimder sport mektebi qyzmetkerleriniń jumys josparymen tanysty.

Kezdesýde qyzmetkerler tarapynan sport nysanynyń materıaldyq bazasyn nyǵaıtý, sporttyq qural-jabdyqtarmen qamtamasyz etý jáne jattyqtyrýshylardyń jalaqysyn kóterý qajettigi týraly usynystar aıtylyp, óz pikirlerimen bólisti.