Qazaqstandyq ǵalym Konstantın Syroejkın sot sheshimimen 10 jylǵa sottaldy, – dep habarlady Ulttyq qaýipsizdik komıtetiniń baspasóz qyzmetine silteme jasap,Qamshy.kz aqparat agenttigi.

Almaty qalasynyń mamandandyrylǵan aýdanaralyq qylmystyq ister boıynsha soty Konstantın Syroejkındi qylmystyq kodekstiń 175-babynyń 1-bólimi "Memleketke opasyzdyq jasaý" boıynsha kináli dep tanyp, 10 jylǵa sottady.

 Qazaqstandyq qytaıtanýshy týraly siz ne bilesiz?

Konstatın Syroejkın – Qazaqstan azamaty.

Qazaqstan prezıdenti janyndaǵy Qazaqstan strategıalyq zertteýler ınstıtýtynyń saıtynda 62 jastaǵy Syroejkın 2006 jyldyń basynan beri bas ǵylymı qyzmetker bolyp jumys isteıtini habarlanǵan.

Mamyr aıynyń basynda BAQ-ta qazaqstandyq arnaıy qyzmetter Syroejkındi, aldyn ala boljam boıynsha, tyńshylyq jasady degen aıyppen ustaǵany týraly aqparat jarıalandy.

Keıinirek qazaqstandyq ǵalymdar bılikten Syroejkınge qatysty jaǵdaıdy túsindirýdi jáne eger bul aqparat rastalsa, tergeý barysyn jeke baqylaýǵa alýdy surady.

Syroejkın – qytaıtanýshy ǵalym.  Kóptegen kitaptyń, sondaı-aq orys, aǵylshyn jáne qytaı tilderindegi myńnan asa maqalanyń avtory.

Ashyq derekkózderge súıensek, ol Qazaqstan saıası ǵylymdar akademıasynyń akademıgi, tarıhı ǵylymdar kandıdaty jáne saıası ǵylymdar doktory, sondaı-aq Sınszán ýnıversıtetiniń qurmetti profesory.