Almatyda Qazaqstanda tyıym salynǵan DAISH lańkestik uıymynyń jaqtaýshysy qamaýǵa alyndy dep jazady Qamshy.kz aqparat agenttigi UQK-niń baspasóz qyzmetiniń deregin negizge alyp. 

"Almaty qalasy Almaly aýdandyq qylmystyq sotynyń Qazaqstan Respýblıkasynyń azamaty A.J.Bıtimbaevty terorızm aktisine daıyndyq, terorızmdi nasıhattaý, dinı arazdyqty qozdyrý jáne atys qarýyn zańsyz saqtaý faktileri boıynsha 10 jylǵa bas bostandyǵynan aıyrý týraly úkimi zańdy kúshine endi" delingen UQK-nyń habarlamasynda. 

Komıtettiń málimetinshe, ol UQK-niń nazaryna destrýktıvti dinı ıdeologıanyń jaqtaýshysy jáne Qazaqstan Respýblıkasynda tyıym salynǵan DAISH halyqaralyq terorıstik uıymynyń qoldaýshysy retinde kúdikke ilingen.

«Tergeý barysynda ınternettegi DAISH úgit-nasıhatynyń áserinen jappaı turǵyndar oryndarynda jarylǵysh zattardy qoldana otyryp, terorıstik shabýyl jasaýǵa daıyndalǵany anyqtaldy.  Shabýyldan keıin ol Sırıaǵa sheteldik sodyrlardyń qataryna qosylýdy jáne terorıstik áreketterdi jalǵastyrǵysy kelgen.  Tintý kezinde odan atys qarýy men jaraqattanatyn qarý, jarylǵysh qurylǵy jasaýǵa arnalǵan komponentter, úsh saýda jáne oıyn-saýyq ortalyǵynyń sqemalary, maska men qolǵap tabyldy", - dep jazdy UQK.