Túrik áskeri Sırıanyń soltústik-shyǵysynda AQSH-qa odaqtasqan kúrdter basqarǵan áskerı odaqqa qarsy iri shekara operasıasyn bastady. Bul Sırıadaǵy AQSH áskerleri shekara aımaǵynan shyqqannan keıin oryn aldy.

Bul týraly AQSH Prezıdenti Donald Tramp Twitter jelisindegi paraqshasynda: «Biz «Irak jáne Levant Islam memleketi» halıfatyn 100% jeńdik, endi Túrkıanyń Sırıadaǵy shabýylyna ushyraǵan aımaqta bizdiń ásker joq. Biz óz jumysymyzdy keremet oryndadyq! Qazir Túrkıa 200 jyldan beri bir-birimen soǵysyp jatqan kúrdterge shabýyl jasap jatyr», - dep jazǵan bolatyn.

Túrkıa memleketiniń kúrd áskerine shabýyl jasaýynyń birden-bir sebebi: Túrkıa kúrdter bastaǵan odaqtaǵy eń úlken mılısıany terorıstik top dep sanaıdy. Bul Túrkıadaǵy kúrdterdiń kóterilisshiler tobynyń jalǵasy dep aıtady.

Túrkıa áskeri Sırıa jerine kirgennen keıin kúrd jasaǵy halyqaralyq qaýymdastyqqa eskertý jasady: Eger bizge shabýyl jasalsa, ILIM («Irak jáne Levant Islam memleketi» halıfaty) qaıtyp keledi.

Kúrd jaýyngerleri Túrkıamen soǵysý úshin qyzmetterin tastap ketetin bolsa, myńdaǵan «ISIS» tutqyndary otyrǵan túrmeniń buzylý qaýpi bar. 

Sırıanyń Demokratıalyq Kúshteriniń ókili Mustafa Balı: «ISIS-tiń qaıtyp kelmeýi úshin kóp jumys jasaýymyz kerek. Amerıka ketse, bári joıylady»