Ýkraınanyń prezıdenti Zelenskıı 14 saǵatqa sozylǵan pres-konferensıa ótkizip, rekord ornatty dep jazady Qamshy.kz aqparat agenttigi. Kıev qalasynda bolǵan pres-konferensıa kúndizgi 10:00-de bastalyp, tún jarymda aıaqtalǵan. 

Konferensıa barysynda prezıdent jýrnalıserge tamaq usynyp, birqatar mańyzdy máselelerdi emin-erkin otyryp talqylady. Zelenskııge 100-den astam sheteldik jáne ýkraınalyq jýrnalıser suraq qoıdy. 

Sondaı-aq Ýkraına prezıdenti Maıdandaǵy narazylyqtar, Donbasstaǵy soǵystyń aıatalýy, «Shtaınmaıer formýlasy», Donald Tramptyń «qysymy» týraly pikir bildirdi. 

"Men birinshi Pýtınge habarlastym. Sóılesip, pikir almastyq. Basqa da qońyraýlardyń bárin men júrgizdim. Shynymen soǵystyń toqtaǵanyn qalaımyn. Birinshi bolyp habarlassam meniń basymdaǵy tájim túsip qalmaıtyny anyq. Bizdiń taraptan alǵashqy qadamdar jasaldy dep senimdi túrde aıta alamyn", - deıdi Zelenskıı.

Sońǵy saǵattarda Zelenskıı sóıleýge qınalyp jatqanyn aıtty. Daýsyn joǵaltyp almaý úshin prezıdent arnaıy ekpe saldyrdy. 

"Baılanys meniń eń álsiz tusym. Muny biletin de shyǵarsyzdar. Biraq biz aldyn ala daıyndaldyq. Eger daýsymdy joǵaltsam, qaıtaramyz" , - dedi Zelenskıı.