Qytaıda jatyp, qanym basyma shapty... Meniń baýyrym – meniń jerlesim, Oral qalasynyń týmasy, ónerdiń ulany, qylshyldaǵan 37 jastaǵy Syrym Muratqalıevti ata-babasynyń týǵan topyraǵynda, Almatyda ózge ulttyń ókili Aleksandr Kýznesov (27 jasta) degen, uryp óltirgen. Ol tergeý jumystary barysynda “ózimdi qorǵadym” dep, nebári 1,5 jylǵa jeńildetilgen tártippen jazalanypty.
Baýyrym qaza tapty. Óz ajalynan emes, kisi qolynan jan tásilim etti.
Aıtpaqshy, kisi óltirgen álgi qylmysker Aleksandr Kýznesovtyń týysqan atasy İshki ister qyzmetiniń generaly eken. Barlyq áleýmettik jeliler men BAQ shuǵyl qımyldap, marqum Syrym Muratqalıevtiń atyn aldyn-ala ádeıi bylǵap-qaralap, sot bastalmaı turyp-aq onyń jaqtastaryna qysym jasaǵanynyń sebebi belgili boldy. Osy jerde generaldyń sheni yqpal etken bolýy kerek.
Joq! Biz buǵan jol bermeımiz! Jol bersek - bul qasiret erteń árbir qazaqtyń úıine kelýi bek múmkin! Sondyqtan Syrym Muratqalıevtiń árýaǵyn qorlamaı, atyn ardaqtap-aqtap alýǵa bel sheshe kirisken qazaqtyń qaısar uly Muhtar Taıjandy júreginde namysy óshpegen árbir qazaq sózsiz qoldaýy kerek!
Sonymen qatar, kúni keshe ǵana Qazaqstan terıtorıasynda, ózbek shekarashysynyń qolynan qaza tapqan, 7 balanyń ákesi, meniń taǵy bir baýyrym – Ýálıhan Ahmetovti joqtap, “Ár qazaq meniń jalǵyzym” dep shyryldaǵan qoǵam belsendisi Dáýren Babamuratovty árbirimiz qoldaýymyz kerek-ti!
...Eń aldymen, adam ólimi oryn alǵan oqıǵanyń basty sebepkeri Aleksandr Kýznesovtyń isin qazaq qoǵamy jiti qadaǵalap, aýyr jaza alýyna yqpal etýi kerek! Qylmyskerdi bostandyqqa jibergen Almaty qalasynyń Medeý aýdandyq İİB-nyń tıisti qyzmetkerleri jumystan bosap, jazalanýy kerek.
Ekinshiden, qazaq qoǵamynda shovınısik pıǵyldardyń óris alyp bara jatqandyǵyn Ulttyq Qaýipsizdik Komıteti tereń zerdelep, meılinshe qatań súzgi jasap, árkimdi óz orynyna qoıýǵa tıis! Búgin qımyldamasaq, erteń kesh bolady. Bul sózimizge dálel – Reseı bıliginiń “Baltyq jaǵalaý elderiniń táýelsizdigi - zańsyz”degen maǵynadaǵy sandyraǵy!
Úshinshiden, orys basshylyǵynyń kórgensizdigin kózine basqan Lıtva Prezıdenti Dalá Grıbaýskaıteniń salıqaly jaýabynan keıin Kremldiń asyrandysy Vladımır Jırınovskııdiń ózgeshe saırap sala bergeni.
Tórtinshiden, Adam quqyqtary jónindegi halyqaralyq búronyń qazaqstandyq bólimshesiniń basshysy (buryn ózi de adam óltirgen) Evgenıı Jovtıstiń qapyda qaza tapqan qazaq Syrym Muratqalıevtiń quqyn aıaqqa taptap, qolyna pyshaq ustaǵan orys Aleksandr Kýznesovtyń quqyn qyzǵyshtaı qorǵaý sebebin qazaq qoǵamy belsene qatysyp, egjeı-tegjeıli zerttep, Evgenıı Jovtısti jaýapqa tartýy tıis. Bul istiń anyq-qanyǵy rastalǵansha, Adam quqyqtary jónindegi halyqaralyq búronyń qazaqstandyq bólimshesin HU tarapynan qarjylandyrýdy toqtatyp, esep-shottary ýaqytsha jabylý kerek.
Besinshiden, memleketti qurýshy ulttyń quqy aıaqqa taptalyp, bylyǵy men shylyǵy tasyp jatqan qos isti alashtyń arda azamaty Muhtar Shahanov basqaratyn «Ulttyq keńes» myqtap baqylaýyna alýy kerek.
Muhtar Taıjan baýyrym aıtpaqshy: “...Syrymnyń aǵasy sotta nege jalǵyz turdy? Bundaı jaǵdaıda bir-birimizge qoldaý kórsetpesek, bundaı oqıǵalar jalǵasa beredi. Al eger birligimizdi kórsete alsaq, kelesi ret oılanar, “aı, mynalarǵa tıisýge bolmaıdy eken”, dep. Sondyqtan, kezekti sottyń otyrysyna qaza tapqan jigittiń otbasymen birge baryp, moraldik qoldaý kórseteıik, aǵaıyn!”
Aınalaıyn jan baýyrlarym, ár qazaq úshin qalqan bolaıyq!
Qajymuqan ǴABDOLLA
