Búginde egemen elimiz damýdyń dańǵyl jolyna aıaq basyp, álemdegi eń ozyq otyz memlekettiń qatarynan kórinýge kúsh salýda. Árıne, bul bıikti berekeli birligimiz ben jarasymdy tirligimizdiń arqasynda baǵyndyratyndyǵymyz daýsyz. Eń bastysy Elbasy Nulsultan Ábishuly Nazarbaev aıqyndap bergen strategıalyq maqsattar óz deńgeıinde oryldalsa bolǵany. Osy oraıda Memleket basshysy Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda bul baǵyttaǵy jumystardyń baǵdaryn nyqtap berdi.

Búginde Joldaý júktegen mindetter Taraz qalasynda júıeli oryndalýda. Ásirese, ınvestısıa tartý baǵytynda atqalyryp jatqan jumystarǵa kóz toıyp, kóńil súısingendeı. Mysaly, bıyl negizgi kapıtalǵa salynǵan ınvestısıalardyń jalpy kólemi 48 mıllıard 131,5 mıllıon teńgeni mejelep, naqty kólem ındeksi 112,7 paıyzdy qurady. Al bul kórsetkish 2018 jyly – 41 mıllıard 59,1 mıllıon teńge kóleminde qalyptasqan bolatyn. Halyqtyń jan basyna shaqqandaǵy negizgi kapıtalǵa salynǵan ınvestısıa kólemi 134,5 myń teńge bolyp otyr. Munda da edáýir ósim bar. Naqtyraq aıtqanda bul kórsetkish 2018 jyly – 115,2 myń teńge bolǵan.

Investısıalardyń jalpy kólemindegi búdjettik salymdar - 22 mıllıard 873,5 mıllıon teńgeni qurap, 30,5 paıyzǵa, sharýashylyq sýbektileriniń ózindik qarajattary 23 mıllıard 568,3 mıllıon teńge nemese 2,7 paıyzǵa, bankterden nesıeler jáne basqa da qaryzǵa alynǵan qarajattar – 1 mıllıard 689,7 mıllıon teńgeni qurap, 2,9 esege ósken

Esepti kezeńde bólshek saýda taýar aınalymy 141 mıllıard 766,9 mıllıon teńge nemese naqty kólem ındeksi 101,3 paıyzdy qurady. Kóterme saýda taýar aınalymy 108 mıllıard 621,3 mıllıon teńge nemese naqty kólem ındeksi 113,2 paıyzǵa oryndaldy.

Taǵy bir aıta keterligi, qalada qazirgi ýaqytta 35 273 kásipkerlik sýbektileri tirkelǵan. 2018 jyly bul kórsetkishtiń 31 829-dy quraǵanyn eskersek, bızneske bet burýshylar sanynyń edáýir artqanyn ańǵarý qıyn emes. Onyń ishinde 28947 jeke kásipker, 6164 shaǵyn, 30 orta jáne 132 sharýa qojalyǵy bar. Tirkelgen sýbektilerdiń ishinde jumys isteıtini – 26 950, onyń ishinde jeke kásipker – 22757, shaǵyn – 4045, orta – 29 jáne sharýa qojalyǵy – 119 birlikti quraıdy.

Memlekettik búdjetke túsken salyqtar men basqa da mindetti tólemder boıynsha shaǵyn jáne orta bıznes sýbektileriniń úlesi 21,4 paıyz nemese 6 mıllıard 463,8 mıllıon teńgeni qurady. Al qala búdjeti boıynsha shaǵyn jáne orta bıznes sýbektileriniń úlesi 21,2 paıyz nemese 2 mıllıard 333,4 mıllıon teńgeni qurap otyr.