Qytaıtanýshy Konstantın Syroejkın Qazaqstan azamattyǵynan aıyryldy dep jazady Qamshy.kz aqparat agenttigi. Bul aqparat Almaty qalalyq sotynda rastaldy. 

"Almaty qalasynyń qylmystyq ister jónindegi mamandandyrylǵan aýdanaralyq sotynyń úkimi boıynsha Konstantın Sıroejkın memleketke opasyzdyq jasady dep aıyptalyp, 10 jylǵa bas bostandyǵynan aıyryldy. Sondaı-aq, sot ony Qazaqstan Respýblıkasynyń azamattyǵynan aıyrdy. Qylmystyq kodekstiń 51-baby negizinde negizgi jazany ótegennen keıin Konstantın Sırojkınge Qazaqstan Respýblıkasynyń aýmaǵyna kirýine bes jyl merzimge tyıym salýynyp, elden májbúrli túrde shyǵarylady", - delingen resmı habarlamada. 

Sot úkimi áli zańdy kúshine engen joq.

Eske sala ketsek, Konstantın Sıroejkın osy jyldyń aqpan aıynda memleketke opasyzdyq jasady degen kúdikpen qamaýǵa alyndy. 7 qazanda sot úkim shyǵardy: Sırojkın kináli dep tanylyp, 10 jylǵa bas bostandyǵynan aıyryldy.