Prezıdent Qasym-Jomart Toqaev páterdi jalǵa berý naryǵyn rettep, baspana qurylysynyń ózindik qunyn júıeli túrde tómendetý kerek ekenin aıtty.

Aqordada memleket basshysynyń tóraǵalyǵymen ekonomıkalyq máseleler jónindegi keńes ótti. Prezıdent birqatar tapsyrma berdi, – dep Toqaevtyń baspasóz qyzmeti habarlaıdy.

"Árbir qazaqstandyq páterdi jalǵa nemese satyp alý múmkindigi men sharttaryn anyq túsinýi tıis. Bul úshin baspananyń qoljetimdiligine qatysty sharttardy anyqtaý kerek. Qurylystyń ózindik qunyn júıeli túrde tómendetip, kóppáterli jáne jeke baspananyń arajigin ajyratyp, páterdi jalǵa berý naryǵyn retteý kerek", –  dedi Qasym-Jomart Toqaev.

Baspana jaıy eldegi eń ózekti máselelerdiń biri. Memleket baspanany qoljetimdi ete túsý úshin birqatar baǵdarlamany iske qosty. Oǵan sáıkes, keıbir turǵyndar jalǵa beriletin páterge ıe bolady nemese páterdi jeńildikpen satyp alady.

Keńeste eldiń áleýmettik-ekonomıkalyq damýynyń qorytyndysy, aqsha-kredıt saıasatyn júzege asyrý, ataýly áleýmettik kómek reformasy men áleýmettik máselelerdi talqylandy.