Aqtóbedegi medısınalyq ortalyqtyń últradybystyq zertteý (ÝZI) kabınetinde jıyrma jastaǵy áıel qaıtys boldy dep habarlaıdy Qamshy.kz aqparat agenttigi "Moı GOROD" portalyna silteme jasap.

Medısınalyq ortalyqtyń últradybystyq zertteý kabınetinde 20 jastaǵy áıeldiń kóz jumǵany týraly qalalyq polısıa bólimine qońyraý kelip tústi. Ólim deregi boıynsha sot-medısınalyq saraptama taǵaıyndaldy.

Áıel anafılaksıalyq shoktyń (qatty alergıalyq reaksıa) saldarynan qaza bolýy múmkin dep boljam bar.

Polısıa Qazaqstan Qylmystyq kodeksiniń 317-baby 3-bóligi "Medısına nemese farmasevtıka qyzmetkeriniń kásiptik mindetterin tıisinshe oryndamaýy" boıynsha sotqa deıingi tergeýdi bastady.

Bul bap úsh jylǵa deıingi merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, bes jylǵa deıingi merzimge bas bostandyǵynan aıyrý jazasyn qarastyrady.