Jambyl oblysynda jumyskerlerdiń eńbek sharttarynyń buzylmaýy maqsatynda josparly jumystar júrýde. Bul rette, jaýapty mekeme – oblys ákimdiginiń eńbek ınspeksıasy basqarmasy atalǵan zańbuzýshylyqtardyń oryn almaýyn qyraǵy qadaǵalap, shaǵym aıtýshylardyń máselelerin sheshýge kúsh salyp keledi.

Basqarma jumysshylar quqyǵyn qorǵaýdaǵy jumysynyń negizgi baǵyttarynyń biri – ujymdyq sharttar qabyldaý. Bul rette, oblysta áreket etip turǵan zańdy tulǵanyń 4545 nemese 52 paıyzy ujymdyq sharttarmen qamtylǵan. Naqtysyn aıtqanda, 1559 memlekettik, 2985 jeke sektordaǵy kásiporyndar. Bul oblystar arasyndaǵy 7 kórsetkish.

Sondaı-aq, jumyskerlerdiń jumystan qysqartylýyna jáne eńbek quqyqtarynyń buzylýyna jol bermeý baǵytynda da sharalar qabyldanýda. Máselen, bul úshin oblysta ákimdikter men kásiporyndar arasynda óndiristik prosesterdi turaqtandyrý máseleleri boıynsha 8052 memorandýmdar qabyldanǵan. Bul oblysta áreket etip turǵan zańdy tulǵalardyń 92,6 paıyzyn quraıdy. Bul óńirler arasyndaǵy 5 kórsetkish.

Budan bólek, áleýmettik eńbek salasyn sıfrlandyrý jumystary joǵary deńgeıde júzege asyrylýda. Qazaqstan Respýblıkasynyń Eńbek jáne halyqty áleýmettik qorǵaý mınıstrligimen 2019 jylǵa bekitilgen josparǵa sáıkes oblystyń 1247 kásipornynda 49880 eńbek sharttaryn engizý tıis bolsa, búgingi kúnge oblystyń 1397 kásiporyny 56 653 eńbek sharttaryn engizdi. Iaǵnı, jyldyq meje 112 paıyzǵa oryndalyp otyr. Bul jumysta Jambyl oblysy el kóleminde alǵashqy orynǵa shyǵyp otyr.

Beıresmı jumyspen qamtylǵan tulǵalardyń eńbek qatynastaryn zańdastyrý da asa mańyzdy ister qatarynda. Bul rette quzyrly basqarmamen 2018-2019 jyldarǵa arnalǵan «Eńbek shartyn jasaıyq» atty aksıasy jarıalanyp, eńbek qatynastaryn zańdastyrmaı júrgen tulǵalardyń ózektendirý algorıtmi bekitilip, tıisti jumystar atqarylýda. Osynyń nátıjesinde oblystyń 63828 tulǵasy ózektendirilip, 4275 tulǵanyń eńbek sharttary jasalynyp, zańdastyryldy.

Aǵymdaǵy jyldyń 8 aıynda oblys aýmaǵynda 37 jazataıym oqıǵa oryn alyp, 47 adam japa shekti. Onyń 7 adam ólimimen aıaqtalyp, 21 aýyr jaraqat, 19 jeńil jarqat alǵan.

Jambyl oblysy Respýblıka boıynsha jazataıym oqıǵada japa shekkenderdiń paıyzdyq úlesi boıynsha byltyrǵy jylmen salystyrǵanda joǵarǵy kórsetkishti kórsetýde, al japa shekkenderdiń sanymen 7 orynda.