Jambyl oblysynda sybaılas jemqorlyqpen jan-jaqty kúres sharalary júrgizilýde. Atap aıtqanda, oblystaǵy Sybaılas jemqorlyqqa qarsy qyzmet tek qana jasalynǵan sybaılas jemqorlyq qylmystarynyń saldarymen kúresip qana qoımaı, osy saladaǵy memleket saıasatyn, ıaǵnı túsindirý jáne aldyn alý jumystaryn da júrgizýde.

Agenttik jáne onyń aýmaqtyq bólimsheleri qoǵamdyq birlestikter jáne buqaralyq aqparat quraldarynyń ókilderimen birlese otyryp, sybaılas jemqorlyqqa qarsy is-qımyl aıasynda aýqymdy jáne júıeli jumystar atqarýda. Nátıjesinde, halyq arasynda osy dertke degen turaqty tózbeýshilik mádenıeti qalyptastyrylýda.

Aǵymdaǵy jyldyń 9 aıynda qylmystyq quqyq buzýshylyqtar jáne basqa da zań buzýshylyqtar jasaýǵa yqpal etken mán-jaılardy joıý jóninde 151 usynym joldanǵan. Onyń ishinde 80-i qaralyp, 88 tulǵa tártiptik jazaǵa tartylǵan. Sonymen qatar, sybaılas jemqorlyq derekteri týraly habarlaǵan azamattardy kótermeleý bóliginde únemi túrde profılaktıkalyq jumys júrgizilip, 20 azamatqa 2,8 mln. teńge kóleminde syıaqy tólengen.

Sonymen qatar, qylmystarmen keltirilgen zalaldy óndirý baǵytynda birqatar jumystar jasalyndy. Atap aıtqanda, Qylmys saldarynan keltirilgen zalaldyń sommasy 1,4 mlrd. teńgeni quraǵan bolsa, onyń 985 mln. teńgesi óndirilip, qylmystyq jolmen tabylǵan 122,3 mln. teńgeniń múligine tyıym salyndy.

«Transparency International»Halyqaralyq uıymynyń 2018 jylǵy qorytyndysy boıynsha Qazaqstan Sybaılas jemqorlyqty qabyldaý ındeksi boıynsha 180 eldiń ishinde 124 orynǵa ıe bolyp, 31 bal jınap ózgerissiz orynǵa turaqtap otyr. Osyǵan baılanysty, Transparency International-dyń Qazaqstandaǵy qoǵamdyq qorymen oblystaǵy jemqorlyqtyń deńgeıin anyqtaýǵa arnalǵan zertteý júrgizilipti. Zertteý sheńberinde saýalnama ádisimen jeke tulǵalardan – 7 284 respondent, sondaı-aq,shaǵyn jáne orta kásipkerlik ókilderinen -1 824 respondentti qamtı otyryp saýalnama alynǵan.

Sonymen qatar, 2019 jyldyń 1 qańtarynan 31 mamyryna deıingi kezeńde «Ashyq dıalog» portalyna kelip túsken 15540 ótinishtiń ishinde jeke jáne zańdy tulǵalardyń 568 ótinishi iriktelip, taldanypty.

Onyń nátıjesi boıynsha, halyqtyń áleýmettik saýalnamasynyń qorytyndysymen, jaýap berýshilerdiń árbir onynshy derlik máseleni formaldy emes tásilmen sheshý qajettigine tap bolǵanyn kórsetken.