Jýaly aýdanyndyq B.Momyshuly aýyly, aýdandyq mádenıet úıinde «Qarty bar el – qazynaly el!» aýdandyq qarıalar baıqaýy ótti. Aqsaqaldar «alamanyn» «Jastar resýrstyq ortalyǵy» mekemesi jáne ardagerler keńesi uıymdastyrtyrdy.

Jastar arasynda ǵasyrlar boıy qalyptasqan halyq danalyǵyn nasıhattaý, urpaqtar sabaqtastyǵyn qalyptastyrýǵa, óskeleń urpaqqa ulttyq tálim – tárbıe berýge baǵyttalǵan shara qarıalarymyzdyń óz ómirleriniń ıgi kezeńderin baıandaý, úlkenge izet – tárbıeniń bastaýy ekendigin jastarǵa uǵyndyrý jáne óskeleń urpaqty patrıotızm rýhynda tárbıeleý, azamattyq sana-sezimin qalyptastyrýdy maqsat tutty.

Sharany aýdan ákiminiń orynbasary Asqat Jabaǵy jáne ardagerler keńesiniń tóraǵasy E.Amanbekov ashyp, baıqaýǵa qatysqan qarıalarǵa sáttilik tiledi. Baıqaýda ádil – qazylyq etken B.Momyshuly aýyly ardagerler keńesiniń tóraǵasy K.Dáýrenuly, «Halyq shyǵarmashylyǵy jáne mádenı demalys ortalyǵynyń» kórkemdik jetkeshisi R.Qýanyshov, «Jańa ómir – Novaıa jızn» qoǵamdyq saıası gazetiniń gazetiniń bas redaktordyń orynbasary P.Shymyrtaıqyzy, «Jastar resýrstyq ortalyǵy» mekemesiniń dırektory M.Teleýshov baıqaýǵa qatysqan qarıalarǵa ádil baǵasyn berdi.

Baıqaý «Berdim sálem bárińe, úlken – kishi kárińe», «Beremin bata bárińe», «Ónerli otbasy» sekildi 3 negizgi kezeń boıynsha ótti. Alǵashqy kezeńde qarıalar ulttyq aspaptarmen súıemeldep, ózderin jalpaq jurtshylyqqa tanystyrsa, saıystyń ekinshi bóliginde bata berýden ózara myqtyny anyqtady. Al úshinshi týrda qarıalar otbasynyń kez- kelgen múshesimen birge ónerin kórsetti.

Baıqaýǵa Aqsaı, Boraldaı, Qyzylaryq, Kókbastaý, Shaqpaq, Bılikól, Qoshqarata aýyldyq okrýgteriniń qarıalary qatysty. Mádenıet bóliminiń qyzmetkeri M.Myqtybekov «Qarıalar azaıyp bara jatyr» atty ánin oryndady. Sharaǵa qatysqan qarıalar ózderiniń danalyǵyn, aqyldylyǵyn, erekshe ónerlerin dúıim jurtqa pash ettip, bataly sózderin jetkizdi.

Baıqaýdyń qorytyndysy boıynshy «Bas júlde» B.Momyshuly aýylynan D.Baıdalıev, İ oryndy Qoshqarata aýyldyq okrýginiń qarıasy A.Shopanbekov, İİ oryn Boraldaı aýyldyq okrýginiń qarıasy M.Baıbolov İİI oryn Shaqpaqata aýyldyq okrýginiń qarıasy Á.Bolysbaev, «Ónegeli qarıa» nomınasıasyn Aqsaı aýyldyq okrýginen M.Qýanyshbekov, «Batagóı qarıa» nomınasıasyn Boraldaı aýyldyq okrýginiń qarıasy Á.Naýatbekov ıelendi. Baıqaý jeńimpazdary men qalǵan qatysýshylarǵa aýdan ákiminiń alǵys hattarymen baǵaly syılyqtary tabystaldy.