Qurmetti,  oqyrman ótken jyldan beri elimizde «Serpin-2050» áleýmettik  jobasy iske asyryla  bastady.  Joba  boıynsha 2014-2015 oqý  jylynda  Mańǵystaý, Qyzylorda, Ońtústik Qazaqstan,  Jambyl, Almaty oblystarynan elimizdiń 8 óńirine 2 myńnan  astam  jastar oqýǵa barǵan  bolatyn.  Bıyl  bul joba  boıynsha jastardy qabyldaıtyn  obylstardyń sany 9-ǵa  jetti. Al,  bólingen jalpy grant sany  6200 bolyp otyr. Osylaısha,  qazaq jastary Atamekenniń  shyǵys, teriskeı, ortalyq, batys óńirlerine baryp,  túrli kásip ıgerýge kirispek. Alǵashqy túlekter Rýdnyı       syndy qalalarda  qalyp, jumys ta isteı bastady.  Bul óz kezeginde  Qazaq eliniń damýyna  septigin  tıgizetin,  elge qajet mamandardy molynan daıarlaýǵa septigin tıgizeri sózsiz. Bastysy  zamanaýı ári suranysqa ıe mamandyqtardy alashtyń balalary  ıgerip jatyr.  Jobanyń el úshin tıgizer paıdasy osy bolmaq.  Osy oraıda «Serpin-2050»  jobasyna qatysty jastardyń kókeıinde túrli saýaldardyń bolýy zańdylyq. Biz sol saýaldarǵa  tolyq jaýap berý úshin  jobanyń Respýblıkalyq  úılestirý keńesiniń  tóraǵasy Murat Ábenovti «Qamshy»  portalynda  ınternet-konferensıanyń  qonaǵy  bolýǵa shaqyrdyq.  Saýaldaryńyzdy joldaı berińizder.