Búgin tańda Almaty qalasynan 157 shaqyrym jerde jer silkinisi boldy, – dep Qamshy.kz aqparat agenttigi habarlaıdy TJD baspasóz qyzmetine silteme jasap.

"QR BǴM ǴK STÁE" MM seısmologıalyq stansıalar jelisi 17 qazanda Almaty ýaqytymen 6:30-da sezilmegen jer silkinisin tirkedi. Jer silkinisiniń epısentri Almatynyń shyǵysyndaǵy 157 shaqyrym jerde, Almaty oblysy Kegen aýdanynyń aımaǵynda bolǵan. Jer silkinisiniń energetıkalyq klasy – 8.5", – delingen vedomstvonyń resmı habarlamasynda.

Almaty oblysy TJ departamenti málimdeýinshe jer silkinisiniń magnıtýdasy - 3.9, tereńdigi - 15 shaqyrym. Silkinis adamdarǵa sezilmegen.   Tıisti aımaqtaǵy jaǵdaıdy baqylaý úshin jergilikti atqarýshy organdar, TJB, PD, prokýratýra men basqa da uıymdarǵa habarlady. Buzylǵan ǵımarattar men qaza tapqandar týraly habarlama kelmedi.