Keshe Ulttyq keńes aıasynda elordada birneshe shara ótti. Bul týraly prezıdent keńesshisi Erlan Karın óziniń facebook-taǵy paraqshasynda jazdy.

Prezıdent ákimshiligi jetekshisiniń orynbasary Tımýr Súleımenovtyń tóraǵalyǵymen Aqordada Ulttyq keńestiń ekonomıkalyq reformalar tobynyń músheleriniń qatysýmen kishi jáne orta bıznesti qoldaý, jer reformasy men kvazımemlekettik sektordy jetildirý máseleleri talqylandy. Atalǵan jınalysqa Qarjy, Ulttyq ekonomıka, Aýyl sharýashylyǵy mınıstrlikteri men «Atameken» UP, «Samuryq-Qazyna», «Báıterek», «QazAgro» qorlarynyń ókilderi qatysty.

Al, Úkimet úıinde vıse-premer Berdibek Saparbaev Ulttyq keńestiń áleýmettik-mádenı tobynyń músheleriniń qatysýymen adamı kapıtaldyń damýy, bilim berý, densaýlyq saqtaý jáne mádenıet salalaryna qatysty keńes músheleriniń usynystaryn talqylaýdy ótkizdi.

Bul kezdesýler qoǵam ókilderi men memlekettik organdar arasynda kóterilip júrgen ózekti máseleler boıynsha ózara pikir almasyp, pozısıalardy jaqyndatýǵa múmkindik beredi. Kóptegen suraqtar boıynsha ortaq ustanym qalyptasýda, jalpy úrdis jaman emes.