Abaıdyń «Jıdebaı-Bórili» memlekettik qoryq-mýzeıinde «Uly dalanyń Uly esimderi» respýblıkalyq ǵylymı-tájirıbelik konferensıasy ótti.

Konferensıa barysynda ǵalymdar men mýzeı salasynyń mamandary Qazaq dalasynda ómir súrgen tulǵalar týraly baıandamalaryn oqydy.

Qazaqstannyń asa kórnekti tulǵalary mýzeıleriniń Qaýymdastyǵy ókilderiniń uıymdastyrýymen «Tarıh jáne Tulǵa» kórmesi ashyldy. Konferensıaǵa Qazaqstannyń ár óńirinen, Petropavl, Qostanaı, Torǵaı, Túrkistan, Pavlodardan mýzeı qyzmetkerleri keldi. Asosıasıa qurýdyń maqsaty-barlyq ádebı murajaılardy biriktirip,  ortyq jumys jasaý.

Elimizdiń 20 ádebı-memorıaldyq mýzeıinen 200 eksponat qoıylǵan kórme eki kún boıy kelýshilerdi qazaq halqynyń kórnekti tulǵalarynyń tarıhymen tanystyrady.

Ekspozısıalarǵa Abylaıhannyń,  Ybyraı Altynsarınniń, Sáken Seıfýllınniń, Muqaǵalı Maqataevtyń jeke zattary qoıylǵan.

Sonymen qatar, «Abaı halyq júreginde» kórme zalynyń ashylý rásimi ótti.

Abaı Alashtyń ǵana emes,  Adamzattyń Abaıy ekeni sózsiz. Zaldyń ashylýy murajaıdyń ashylý kúnimen tuspa-tus kelip otyr. Dál osy kúni 79 jyl buryn uly aqynnyń murajaıy óz jumysyn bastaǵan edi. Shara kezinde mýzeıler arasynda shyǵarmashylyq yntymaqtastyq týraly memorandýmdar jasaldy.

Semeı qalasynyń aqparattyq ortalyǵy