Qazaqstanda mektepke deıingi uıymdarǵa ekpe salynbaǵan balalardy kirgizýge tyıym salynbaq. Bul týraly májiliste Qazaqstannyń densaýlyq saqtaý mınıstri Eljan Birtanov aıtty.

"Halyq densaýlyǵy jáne densaýlyq saqtaý júıesi týraly" kodeks jobasynyń jańa redaksıasyn tanystyrý barysynda mınıstr "Azamattardyń óz densaýlyǵyna mindetti túrde qamqorlyq jasaýy, onyń ishinde skrınıngten mindetti ótýi jáne profılaktıkalyq egýlerdi alýy, qorshaǵan ortanyń halyq densaýlyǵyna áserin, onyń ishinde shý men atmosferalyq aýanyń áserin retteý, mektepke deıingi uıymdarǵa ekpe egilmegendi jiberýdi shekteý qarastyrylady", – dedi.

Mınıstrdiń aıtýynsha, atalǵan túzetýlerdi qabyldaý nátıjesinde sýısıdtik áreketter men temeki ónimderin, alkogóldik ishimdikterdi tutyný sanynyń tómendeýi kútiledi.