2018 jyly elde 5 jasqa deıingi tórt myńǵa jýyq bala qaıtys bolǵan, dep jazady energyprom.kz.
EAEO elderi arasynda 5 jasqa deıingi balalar ólimi jóninen Reseı (13 myń) kósh bastap tur. Ekinshi satydaǵy Qazaqstanda byltyr 4 myń bala ólimi tirkelgen. Odan keıingi oryndarda Qyrǵyzstan (3 myń), Armenıa (1 myń), Belarýs (1 myńǵa jejýyq) ornalasqan.
Qaıtys bolǵandar ishindegi 3,2 myń balanyń jasy 1-ge kelmegen. Bala ólimi oqıǵalarynyń 51 paıyzy perınataldyq kezeńde oryn alypty. 19,8 paıyzyna týabitti kemistikter, 6,2 paıyzyna tynys músheleriniń syrqaty, 4,8 paıyzyna baqytsyz jaǵdaılar, 4,7 paıyzyna ınfeksıalyq jáne parazıttik syrqattar, 1 paıyzyna tamaq qorytý organy aýrýlary sebep.
Sondaı-aq balalar densaýlyǵyna durys tamaqtanbaý da kóp kesirin tıgizip otyrǵany baıqalady. Eldegi 5 jasqa deıingi ár on balanyń birinde artyq salmaq kezdesedi. 2 jasqa deıingi balalardyń 21 paıyzyna jemis-shıdek pen kókenis jetispeıdi.
Álemde bala ólimi boıynsha Úndistan (882 myń bala) alǵashqy orynda tur. Úshtikke Nıgerıa (866 myń ) men Pákistan (409 myń) kirgen.
Pikir qaldyrý