Memleket basshysy Qasym-Jomart Toqaev «Syndarly qoǵamdyq dıalog- Qazaqstannyń turaqtylyǵy men órkendeýiniń negizi» atty Joldaýynda ekonomıkany órkendetýdiń birden-bir tetigi retinde shaǵyn jáne orta kásipkerlikti damytýǵa aıryqsha nazar aýdarǵany belgili. Bul turǵyda tıimdilikke basymdyq berilmek.

Osy oraıda Jambyl oblysynda aımaq basshysy Asqar Myrzahmetovtiń bastamasymen áleýmettiń áleýetin arttyrýǵa baǵyttalǵan pılottyq joba júzege aspaq. Bul bastamany Asqar Isabekuly jýyrda ǵana Úkimet múshelerine tanystyryp, tıimdiligin dáleldep berdi.

Aıta ketý kerek, qazirgi tańda Jambyl oblysynda kásipkerlerge keń kólemde qoldaý kórsetilýde. Bul qatarda qamtarymsyz granttar da taǵaıyndalýda.

Kúni keshe Jambyl oblysy ákimdiginiń kásipkerlik jáne ındýstrıaldy – ınovasıalyq damytý basqarmasy «Bıznestiń jol kartasy 2020» memlekettik baǵdarlamasy sheńberinde kásipkerlerdiń jańa bıznes-ıdeıalaryn júzege asyrý úshin ótkizilgen memlekettik granttyq qarjylandyrý boıynsha jalpy konkýrstyń nátıjesin habarlady.

Konkýrsqa qatysý úshin barlyǵy 46 ótinim, onyń ishinde 3 joba múmkindigi shekteýli azamattardan tústi. Taraz qalasynan – 27 joba, onyń ishinde 2 múmkindigi shekteýli azamattar, Sarysý aýdanynan – 12 joba, Jýaly aýdanynan – 2 joba, onyń ishinde 1 múmkindigi shekteýli azamat, Baızaq aýdanynan – 2 joba, T.Rysqulov aýdanynan – 1 joba, Shý aýdanynan – 1 joba, Moıynqum aýdanynan – 1 joba qaraldy. Konkýrstyq komısıanyń 1 otyrysy ótip, olardyń nátıjesi boıynsha komısıa músheleri ár jobany jeke – jeke tyńdap, sheshimderin hattamalarǵa qol qoıý rásimi arqyly rásimdedi. Komısıa músheleriniń sheshimi boıynsha 6 kásipker 12,5 mln.teńgege grant ıegerleri atandy.

Taraz qalasynan 10,5 mln.teńgege 5 joba maquldandy, ashylatyn jumys oryndarynyń sany 12 jáne Moıynqum aýdanynan 2 mln.teńgege 1 joba maquldanyp, 3 jumys oryny ashylatyny belgili boldy. Qazirgi tańda jalpy konkýrstan jeńimpaz atanǵan kásipkerlerge konkýrstyq komısıanyń sheshimi týraly habarlamalardy joldaý jumystary aıaqtalyp, baǵdarlamanyń úılestirýshisi qarjy agenttigi jáne shaǵyn kásipkerlik sýbektisi arasynda grant berý týraly sharttar rásimdelýde.