Jyl basynan beri jambyldyq oqýshylar respýblıkalyq jáne halyqaralyq deńgeıdegi olımpıadalar men ǵylymı joba jarystarynda 132 medalǵa ıe boldy. Nátıjesinde óńirdegi 10 mektep respýblıkadaǵy «100 úzdik mekteptiń» qataryna endi. Daryndy oqýshylarmen birge oblys ustazdarynyń bilim saıystarynda qol jetkizgen tolaıym tabystary da bir tóbe, dep jazady Qamshy.kz aqparat agenttigi. 

Ótken oqý jylynda jambyldyq oqýshylardyń respýblıkalyq jáne halyqaralyq deńgeıdegi olımpıadalar men ǵylymı joba jarystarynda oljalaǵan jalpy medal jıyntyǵy 132 dana bolsa onyń 28-i altyn medal. Qalǵan 35-i kúmis, 69-y qolany quraıdy. Sondaı-aq bıyl mektep bitirgen 8813 túlektiń 317-i «Altyn belgi» tós belgisine ıe bolsa, 242 oqýshy «Úzdik atestatqa» qol jetkizdi. Mektepti támamdaǵan túlekterdiń 75,5 paıyzy joǵary oqý oryndaryna túsken. Osynaý mol jetistikterge qol jetkizgen jambyldyq oqýshylar respýblıkalyq «Ulttyq mektep lıgasynda» jalpy komandalyq esepte İ orynǵa ıe bolǵan.

Shákirtterin bilim nárimen sýsyndatyp, olardyń talantyn tanyp júrgen jambyldyq ustazdar da jetistikterden qur alaqan emes. Ótken oqý jylynda oblys mektepterinde sabaq beretin 1232 pedagog respýblıkalyq, halyqaralyq baıqaýlar men qashyqtyq olımpıadalarynda úzdik shyqty. Sonymen qatar jaqynda ǵana «Úzdik pedagog – 2019» respýblıkalyq konkýrsynan 4 jambyldyq ustaz jeńis tuǵyrynan kórindi. Atap aıtsaq Jambyl aýdany B.Besbaev atyndaǵy mektep-gımnazıasynyń orys tili men ádebıet pániniń muǵalimi Aıgúl Qalmahanova, Baızaq aýdany Ǵanı Muratbaev atyndaǵy gımnazıanyń qazaq tili men ádebıet pániniń muǵalimi Baqyt Kúderıeva, Erekshe daryndy balalarǵa arnalǵan mamandandyrylǵan "Daryn" mektep-ınternatynyń matematıka páni muǵalimi Muhtar Talqanbaev, Qulan agrotehnıkalyq kolejiniń veterınarlyq oqytýshysy Erkebulan Ertaevtar úzdik ustazdardyń tiziminen tabyldy.

Al jaqynda 5 jambyldyq ustazǵa Qazaqstan Respýblıkasy Prezıdenti Qasym-Jomart Toqaevtyń alǵys hatyna ıe boldy. Bul mártebeli marapat salaǵa 30 jyldan astam eńbek sińirgen bilikti pedagogterge buıyrdy.

Taıaý bolashaqta memleket basshynyń Qazaqstan halqyna joldaýyna saı aýyl mektebi men qala mektepteri arasyndaǵy aıyrmashylyqty joıý arqyly aýyldyq órenderdiń de bilim básinde joǵary jetistikterge qol jetkizedi.