Májiliste zań jobasyn tanystyrǵan QR Densaýlyq saqtaý mınıstri Eljan Birtanov kólik júrgizý kýáligin alatyn azamattar úshin alǵashqy kómek kórsetý kýrsynan ótýdi mindetteıtini jóninde aıtyp ótti, dep jazady Qamshy.kz aqparat agenttigi. 

– Kólik júrgizý kýáligin alý úshin alǵashqy medısınalyq kómek kýrsynan ótip, sertıfıkat alýy qajet. Júrgizýshi kýáligi tek sodan keıin beriledi. Sebebi, statısıkaǵa kóz júgirtsek, jol apaty bolǵan kezde, azamattarymyzdyń 60 prosentke jýyǵy alǵashqy medısınalyq kómekke muqtaj bolady. Alaıda, ókinishke qaraı, qazir zardap shekkenderge járdem bere alatyndar 3-5 prosent, – dep túsindirdi Birtanov.

Bul jańashyldyq "Halyq densaýlyǵy" týraly kodekstiń jańa redaksıasynda jazylǵan. Birtanovtyń sózinshe, standartty kýrstar barlyq óńirde jedel járdem stansalary, sanıtarlyq avıasıa ortalyqtary jáne medısınalyq oqý oryndary bazasynda uıymdastyrylǵan. Iaǵnı, medısınalyq kómek daǵdylaryn meńgerip, sertıfıkat alýǵa bolady.