Áleýmettik jelide Qyzylordadaǵy jantúrshigerlik jol apatynyń vıdeosy paıda boldy dep jazady Qamshy.kz aqparat agenttigi.
Jol apaty avtobýstyń beınekamerasyna túsip qalǵan. Vıdeodan avtobýstyń ortasha jyldamdyqpen júrip kele jatqanyn baıqaýǵa bolady. Keıin jolǵa kishkentaı bala júgirip shyǵady. Muny kórgen ákesi artynan júgirip, ulyn qutqarmaq bolady. Alaıda avtobýs ekeýin de qaǵyp ketti.
Eske sala ketsek, jol apaty 17 qazanda tústen keıin 12.30 shamasynda Abaı men Altynsarın kósheleriniń qıylysynda bolǵan. Ulyn qutqarmaq bolǵan er adam qaıtys boldy, al 4 jasar bala oblystyq aýrýhananyń jansaqtaý bólimine jetkizildi.
Pikir qaldyrý