Memlekettik saıasattyń basty ustanymy – ashyqtyq. Bul buqara men bıliktiń arasyn baılanystyra túsetini haq. Sondyqtan da Jambyl oblysyndaǵy qurylymdyq salalar turǵyndardyń tabysy men salymyn sońǵy tıynyna deıin ashyq jáne jarıaly túrde júrgizýde, dep jazady Qamshy.kz aqparat agenttigi. 

Máselen 2019 jyldyń 1 qańtaryna qaraı salymshylardyń jeke zeınetaqy shottarynyń (JZSH) sany 10,4 mln. birlikti qurap otyr. Olardyń ishinde 9,8 mln. shot – mindetti zeınetaqy jarnalary (MZJ), 479,5 myń shot – mindetti kásiptik zeınetaqy jarnalary jáne 47 803 shot – erikti zeınetaqy jarnalary esebinen ashylǵan.

MZJ esebinen ashylǵan shottardyń ishinde 8 mln. 730 myń shot (zeınetkerlik jasqa tolǵandardy, qaıtys bolǵan nemese shetelge turaqty turýǵa ketkenderdi esepke almaǵanda) qyzmettegi salymshylarǵa tıesili. Bul kórsetkish elimizdegi jumyspen qamtylǵan halyq sanyna (2019 j. 1 qańtaryna qaraı 8 mln. 965 myń adam) sáıkes keledi. Buǵan qarap, elimizde jumyspen qamtylǵandar jınaqtaýshy zeınetaqy júıesimen tolyq derlik qamtylǵan dep tujyrym jasaýǵa bolady.

2018 jyldyń qorytyndysy boıynsha jylyna keminde bir jarna bolsa da aýdaratyn belsendi salymshylardyń sany 6 mln. 407 myń adamdy qurady.

Bul kórsetkish jyl saıyn ulǵaıyp jatyr. Mysaly, 2017 jyly bul kórsetkish 5 mln. 914 myń adamdy quraǵan bolatyn.

Búginde belsendi salymshylardyń úlesi áleýetti salymshylardyń jalpy sanynyń shamamen 76 paıyzyn (tórtten úshi) quraıdy. Bul rette 3 mln. shotqa jylyna – 12 jarna, al 5 mln. shotqa jylyna – 6 jarnadan 12 jarnaǵa deıin túsken. Sondaı-aq 2018 jyly bir salymshynyń shotyna orta eseppen – 9 jarna kelip túsken.

Salystyryp qarasaq, mysaly Malaızıada belsendi salymshylardyń úlesi shamamen 47 paıyzdy quraıdy.

Atap ótý kerek, jarnalardyń turaqty aýdarylyp turýy salymshynyń jumyspen qanshalyqty qamtylǵandyǵyna (turaqty jumys, ýaqytsha nemese maýsymdyq jumys), sondaı-aq salyq rejımderine (jeke kásipkerler, ózin-ózi jumyspen qamtýshylarǵa arnalǵan arnaýly salyq rejımderi) baılanysty.

Negizi salymshylardyń jeke zeınetaqy shottaryn olardyń alatyn aılyq tabysy jáne jınaqtaýshy zeınetaqy júıesindegi eńbek ótili (MZJ-nyń aýdarylý kezeńi jáne jıiligi) aıasynda qaraǵan jón. Óıtkeni MZJ osy aılyq tabys esebinen aýdarylady.

Elimizde salymshylardyń kópshiligi zeınetaqy jınaqtaryn endi-endi qalyptastyryp jatyr. Salymshylardyń 50 paıyzdan astamynyń jınaqtaýshy zeınetaqy júıesine belsendi túrde qatysý ótili 5 jylǵa jetpeıdi. Al salymshylardyń 75 paıyzdan astamynyń júıege qatysý ótili 5 jyldan joǵary, biraq 10 jylǵa jetpeıtindigin aıta ketken jón.

Jınaqtaýshy zeınetaqy júıesi iske qosylǵaly beri mindetti zeınetaqy jarnalaryn turaqty aýdaryp kelgen salymshylardyń zeınetaqy jınaqtarynyń ortasha somasy erlerde – 5,1 mln. teńge, áıelderde – 3,9 mln. teńge bolyp otyr.