Memlekettik saıasatty mánsiz júzege asyryp, mal basyn arttyrýda veterınarıa salasynyń orny erek ekeni belgili. Sebebi atalmysh sala tikeleı indetterdiń aldyn alý men saqtyq sharalaryna kúsh jumyldyrady. Jambyl oblystyq veterınarıa basqarmasy mamandarynyń aıtýynsha bıyl brýselez aýrýynyń sany azaıyp, jalpy jaǵdaı oń dınamıka kórsetken eken, dep jazady Qamshy.kz aqparat agenttigi. 

Bul týraly óńirlik komýnıkasıalar qyzmetiniń baspasóz konferensıasynda Jambyl oblysy ákimdiginiń veterınarıa basqarmasynyń basshysynyń mindetin atqarýshy Qanatbek Qartabaev atap ótti. Dıagnostıkalyq zertteýlerge júrgizilgen taldaý boıynsha maldar arasynda sozylmaly brýselez aýrýyna shaldyǵý jyldan jylǵa tómendeýde. 2010-2019 jyldar aralyǵynda İQM brýselez aýrýy 86 paıyzǵa tómendegen (2010 jyly MİQ-3025 bas, 2019 jyly 397 bas oń nátıje berdi juǵý 0,6% – dan 0,1% tómendedi). Ýaq maldarda brýselez aýrýy – 17 paıyzǵa tómendedi (2010 jyly -10066 bas, 2019 jyly 1732 bas oń nátıje berdi juǵý 0,4% – dan 0,1% tómendedi). Sondaı-aq, oblys boıynsha adamdardyń brýselez aýrýyna shaldyǵýy 2010 jylmen salystyrǵanda 255 adamǵa kemigen (2010 jyly -402 adam, 2019 jyldyń 9 aıynda -147 adam) Brýselezge shaldyqqan aýyl sharýashylyǵy janýarlary der kezinde oqshaýlanyp, veterınarıalyq talaptarǵa sáıkes ýaqytyly sanıtarlyq soıýǵa jiberilip, memlekettik veterınarıalyq dárigerdiń qadaǵalaýymen óńdeý oryndaryna jiberilý.

Al jalpy kelgende bıyl Jambyl jerinde veterınarıalyq jaǵdaı turaqty. Kongo Qyrym gemorragıalyq qyzbasynyń tabıǵı oshaǵynda ornalasqan jekelegen eldi mekenderde 3 jyl kóleminde aýrý tirkelmegendikten jáne aýrý qozdyrǵyshyn tasymaldaýshy kene anyqtalmaýyna baılanysty 2019 jyly oshaqtaǵy eldi meken sany 83 – ten 48 – ge kemigen. Kenege qarsy jumystardyń kóktemgi 1 jáne 2 kezeńi tolyq aıaqtalyp otyr. Nátıjesinde josparǵa sáıkes 48 eldi mekende kólemi 4 743 647 sharshy metr bolatyn 17 917 qora jaı, 502 238 bas aýyl sharýashylyǵy janýarlary kenege qarsy 100 paıyz dárilendi. Qazirgi tańda zalalsyzdandyrý jumystarynyń kúzgi 3 kezeńi atqarylýda. Búgingi kúnge tabıǵı oshaqta 22 mal toǵytpasy jáne 38 dýsh qoldanysqa alynǵan. Qora jaılardy dezınseksıalaý jumystary 17 DÝK avtokóligimen júrgizilýde. Oblysta veterınarlyq jaǵdaı bir qalypty jáne turaqty baqylaýda.