17 qazanda D. A. Qonaev atyndaǵy Eýrazıalyq zań akademıasynda Rýhanı kelisim kúnine arnalǵan saltanatty shara ótti, dep jazady almaty.gov.kz.

«QR terorızm men ekstremızm problemalaryn zertteý ortalyǵy» QQ uıymdastyrǵan sharaǵa memlekettik organdardyń ókilderi, Qazaqstan halqy Assambleıasynyń músheleri, din salasynyń sarapshylary, dinı, etnomádenı, qoǵamdyq, úkimettik emes uıymdardyń basshylary men músheleri, jastar, sonyń ishinde «Dinı birlestikter jetekshileri klýbynyń» jetekshisi, ál-Farabı atyndaǵy QazUÝ profesory Kákimjan Bıshmanov, Almaty ortalyq meshitiniń bas ımamy Erkinbek Shohaev, Almaty pravoslavıelik rýhanı semınarıasynyń oqytýshysy Vıtalıı Bystrýshkın, Rım–Katolık shirkeýiniń Presvátoı Troısasy eparhıa kýrıasynyń kansleri Laos Karlos, Almatydaǵy Krıshna sanasynyń Halyqaralyqqoǵamynyń tóraǵasy Vıktor Goloýs, Almatydaǵy «Ómir kózi» Hrıstıan Evangeldik Pátıdesátnıchnaıa shirkeýiniń" bas pastory Vıtalıı Pak, Almaty Ortalyq shirkeýiniń aǵa pastory Aleksandr Han jáne basqalar qatysty.

Almaty qalasy ákiminiń orynbasary Erjan Babaqumarov kezdesýge qatysýshylarǵa arnaǵan quttyqtaý sózinde olardyń kómek pen qoldaýǵa muqtaj jandarǵa qamqorlyq tanytyp, otandastarymyzdy rýhanı-adamgershilikke tárbıeleý isine qosqan úlesterin atap ótti.

Shara konfesıaaralyq qatynasty nyǵaıtýǵa, qoǵamda rýhanı kelisim men tózimdilikti damytýǵa baǵyttaldy.

Mysaly, Almatyda dinı birlestikter kóshbasshylarynyń dıalog alańyna aınalǵan Klýb jumys isteıdi, munda túrli din ókilderi erkin pikir almasyp, dinı jáne qoǵamdyq máselelerdi talqylaıdy.