Densaýlyq saqtaý mınıstrligi vaksınasıadan bas tartý saldarynan balalary aýyryp qalǵan ata-analarǵa aıyppul salýdan bas tartty dep habarlaıdy Qamshy.kz aqparat agenttigi Tengrinews.kz tilshisi saıtyna silteme jasap.

Bul týraly Qazaqstannyń bas sanıtar dárigeri Jandarbek Bekshın OQK brıfıńinen keıin málimdedi.  Buǵan deıin vaksınasıadan negizsiz bas tartý saldarynan balanyń densaýlyǵyna qaýip tóndirse, ata-analarǵa aıyppul salýdy usynylǵan. 

Bekshın bul normanyń kodeks jobasynda joq ekenin túsindirdi. "Aıyppul tek mektepke deıingi mekeme basshylaryna qatysty. Ata-analaryna aıyppul salynbaıdy", - deıdi Jandarbek Bekshın.

Aıta keteıik, ekpe salynbaǵan balalardy balabaqshalarǵa qabyldanbaıdy. Eger mektepke deıingi mekeme basshysy ekpe salynbaǵan balany qabyldasa, aıyppul salynýy múmkin.  "Biz túsindirý jumystaryn júrgizip jatyrmyz. Eger mekeme basshysy shara qoldanbasa, buıryq shyǵaramyz. Buıryq oryndalmaǵan jaǵdaıda is sotqa beriledi. Aıyppul kólemi - 15 AEK (37,8 myń teńge). Bul norma densaýlyq saqtaý jańa kodeksi qabyldaǵan kezde kúshine enedi", - dedi Bekshın.