Elbasy N.Á.Nazarbaev «Bolashaqqa baǵdar: rýhanı jańǵyrý» atty maqalasynda Qazaqstannyń úshinshi jańǵyrýy bastalǵanyn aıta kele: «Bizdiń maqsatymyz aıqyn, baǵytymyz belgili, ol - álemdegi eń damyǵan 30 eldiń qataryna qosylý», - dep atap kórsetken bolatyn. Bul turǵyda sıfrlyq tehnologıanyń múmkindikterin mpaıdalanýdyń da mańyzy zor. Osy oraıda 2017-2020 jyldarǵa arnalǵan «Sıfrly Qazaqstan» memlekettik baǵdarlamasy qabyldanyp, júzege asýda. Qundy qujatta sıfrlyq Jibek jolyn iske asyrý, jasampaz qoǵamdy damytý, ekonomıka salasyndaǵy sıfrlyq qaıta ózgertý, aldyn ala belsendi memleketke kóshý syndy qadaý-qadaý mindetter belgilengen.

Búginde M.H.Dýlatı atyndaǵy Taraz memlekettik ýnıversıtetinde baǵdarlamany júzege asyrý baǵytynda birqatar jumystar atqarylýda. Oqý ordasyndaǵy «Aqparattyq júıeler» kafedrasynyń ujymy sıfrlandyrý úderisin jedeldetý baǵytynda bilikti jáne sapaly mamandar daıyndaý jolynda aıanbaı eńbek etip keledi. Qazirgi kompúterlik tehnologıalar óte zor jyldamdyqpen damýda. Zaman aǵymynan keıin qalmaý úshin mamandar jańa tehnologıalardy jetik meńgerýi tıis. Osy maqsattardy júzege asyrý úshin kafedra janynan jańa zamanaýı zerthana ashylyp, kóptegen kompúterlik jańa tehnologıalarmen tolyqtyrylýda. Al zerthana jumysynp ǵalym, fızıka-matematıka ǵylymdarynyń kandıdaty Ǵ.Altybaev jetekshilik etýde.

-Búginde oqytý baǵdarlamalaryna qazirgi kezde keń taraǵan GPS-aralyqty, ýaqytty jáne ornalasý núktesin anyqtaýǵa arnalǵan navıgasıanyń jerseriktik júıesi engizildi. GPS jerdiń kez kelgen jerinde, kez kelgen aýa-raıynda, sonymen qatar ǵalamshardyń ǵaryshtyq aımaǵynda nysannyń orny men júrý jyldamdyǵyn anyqtap bere alady. Alǵash ret bul júıeni AQSH Qorǵanys mınıstrligi jasaǵan. Sıstemany qoldanýdyń negizgi prınsipi - mekenjaıdy, ýaqytty ólsheý baǵyty men sınhrondy qabyldaýlar arqyly spýtnıktik navıgasıalyq antenalar arqyly tabý. Bul júıeni Qazaqstannyń úlken qalalaryndaǵy jolaýshylar tasymaldaý avtobýstaryna engizdi jáne satylymǵa túsip jatqan avto kólikterge ornatylyp jatqandyqtary belgili.

Qazaqstannyń Úshinshi jańǵyrtylýyn júzege asyrý esebiniń birinshi basymdylyǵy sıfrlyq tehnologıany qoldana otyryp, ekonomıkany jedeldetilgen tehnologıalyq jańǵyrtý bolyp tabylatyndyǵyn Elbasymyz aıtyp ótti. Sondyqtan sıfrlyq ındýstrıany damytý barlyq basqa salalardyń jyldam damýyn qamtamasyz etetindigi aıqyn. Biz sıfrlyq tehnologıany qoldaný arqyly qurylatyn jańa ındýstrıalardy órkendetýge tıispiz. Bul – mańyzdy keshendi mindet,-deıdi M.H.Dýlatı atyndaǵy TarMÝ «Aqparattyq júıeler» kafedrasynyń aǵa oqytýshysy L.Abdykerımova.