Jaz bastala salysymen Almaty qalasyndaǵy «Astana» alańyn  qala jastary jarys ótkizetin orynǵa aınaldyrady. Munda túrli oıyndar uıymdastyrylyp, kólikter jarysady. Jarys pen saýyqtyń nátıjesinde Tóle bı men Abylaı han kósheleri ornalasqan  aýmaq túnniń ortasynda azan-qazan shýdyń ordasyna aınalady. Osyǵan baılanysty  «eski alań» mańynda turatyn qarttar men jas balaly analar quqyq qorǵaý mekemesine shaǵym túsirgen bolatyn. Túsken shaǵymdy eskere otyryp, atalmysh alańǵa túngi saǵat 22-den bastap, tańǵy 6-ǵa deıin kólik qoıýǵa bolmaıtyndyǵy týraly belgi ornalastyrylǵan. Alaıda saýyqshyl jastar ornatylǵan belgige qaramastan, mýzykany qatty qoıyp, dýmandaryn jalǵastyra berýdi jón sanaǵan. Bul týraly Almaty qalasynyń İİB Baspasóz qyzmetine silteme jasaı otyryp, «Qamshy» portaly habarlaıdy. Keshe qala turǵyndarynyń tynyshtyǵyn saqtaý barysynda arnaıy reıd júrgizildi. Belgi qoıylǵan jerge kóligine turaq jasaǵany úshin alǵashqy bir saǵattyń ishinde-aq tórt júrgizýshige ákimshilik qujat toltyrylǵan.