Qadir súresiniń "sandyq" turǵyda da ózindik keremetiniń bar ekenin baıqaý qıyn emes. Súreni sandyq turǵyda talqylaıtyn bolsaq, bul súre qadir túnin Ramazan aıynyń 27-ne saı keletinin naqtylap turǵan syńaıly. Dálirek aıtqanda:
1). Qadir súresindegi aıtylǵan sózderdiń sany 30 (otyz) eken. Quranda "otyz" para.
2). Súredegi áripterdiń sany 114 (júz on tórt). Quranda "114" súre bar.
3). Súreniń besinshi aıatyndaǵy "Ol" degen maǵynany bildiretin arapsha mátinindegi "Hıa-هي" sózi súredegi sózderdiń sandyq reti boıynsha, 27-shi sóz. Qadir túni Ramazan aıynyń 27-ne saı keledi. ("Ol beıbitshilik keshi - tań raýandaǵanǵa deıin jalǵasady". Qadir súresi, 5-aıat).
4). Súreniń arapsha mátinindegi "Qadir" sózi 5-shi, 10-shi jáne 12-shi sózinde kezdesken. Osy úsh sandy bir-birine qosar bolsaq jıyrma jetige teń bolady: 5+10+12=27. Bul da qadir túniniń Ramazannyń 27-sine saı keletinin ıshara etip turǵandaı.
5). Súredegi "Laılátýl Qadir" sózi (maǵynasy - qadir túni) súrede 3 (úsh) márte kezdesedi jáne ol 9 (toǵyz) áripten turady (ليلة القدر). Al, endi, úshti toǵyzǵa kóbeıtkende jıyrma jetige teń (3*9=27). Demek, qadir túni Ramazan aıynyń jıyrma jetisine saı keletinin osydan da baıqaýǵa bolatyn syqyldy.
Eskertý:
Atalmysh súreniń sandyq turǵyda taldanýy "sharıǵı dálel" retinde eseptelmeıdi. Qadir túni Ramazannyń pálen kúnine saı keledi dep aıta alýymyz úshin naqty aıtylǵan sharıǵı dálelderge súıenýimiz kerek. Joǵarydaǵy maqala súreniń ereksheligin jáne astaryndaǵy tereńde jatqan mán-maǵynalaryn jaryqqa shyǵarý maqsatynda berilip otyr dep túsingenimiz jón.
Aýdaryp, daıyndaǵan: Abdýsamat Qasym.
