Muz ben qardyń saldarynan respýblıkanyń birqatar baǵyttary kólik qozǵalysynda jabyq kúıinde qalyp otyr.

«Qazaqavtojol» kásipornynyń habarlaýynsha, Shyǵys Qazaqstan oblysynda qardyń kóp túsýine baılanysty joldarda júk jáne jolaýshylar tasymaly shektelgen:

«Óskemen - Rıdder - RF shekarasy» (15-105 km, Beloýsovka aýyly - Rıdder qalasy)

«Óskemen - Altaı - Katonqaraǵaı - Rahmanovskıı kiltteri» (6-66 km, Ýshanovskoe aýyly - Serebránsk qalasy).

Elimizde muzdyń saldarynan Almaty - Óskemen tas jolynda (778-967 shaqyrym, Aıagóz qalasy - Qalbataý aýyly) júk jáne jolaýshylar tasymaly úshin jabyq bolsa, Almaty - Óskemen tas jolynyń Qalbataý aýylynan Qasym Qaısenov aýylyna deıingi ýchaskesinde (971-1068 km) qozǵalys ta shekteldy.

Oblystyq shyǵys joldyń habarlaýynsha, Óskemen-Tarǵyn-Samars joly (62-145 km, Tarǵyn-Samarskoe aýyly) tirkemesi bar júk mashınalary úshin jabyldy.