Prezıdent Qasym-Jomart Toqaev elimizdegi nan men kómirdiń qymbattaýyna qatysty pikir bildirdi, – dep habarlaıdy Qamshy.kz aqparat agenttigi

""Áleýmettik" nan baǵasynyń ósýine baılanysty Úkimet pen ákimderge shuǵyl sharalar qabyldap, sýbsıdıalaýdy qarastyrý tapsyryldy. Kómir boıynsha da osyndaı tapsyrma berildi. Kómir kompanıalarymen kelisip, baǵany qoldan ósirip otyrǵan deldaldarǵa jol berilmeýi tıis. Baqylaýymda bolady", – dep jazdy Prezıdent Twitter  paraqshasynda.

Eske salsaq, alǵashqy bop áleýmettik nan Pavlodar, keıin Aqtóbede qymbattady. Al aýyl sharýashylyǵy mınıstrliginiń jaýapty hatshysy Qazaqstanda áleýmettik nan baǵasy ózgermeıdi dep ýáde bergen edi.  Osy jaǵdaıdan keıin almatylyq naýbaıhanalar da unnyń qymbattaǵanyn jáne astyqtyń tapshylyǵyn aıtyp, shaǵymdanǵan bolatyn.