Elbasy-Qazaqstan Respýblıkasynyń Tuńǵysh Prezıdenti Nursultan Nazarbaev «100 naqty qadam» Ult josparynyń 100-qadamynda «Kanadadaǵy Canada Service jáne Avstralıadaǵy Centrelink úlgisi boıynsha memlekettik qyzmetterdiń biryńǵaı provaıderine aınalatyn "Azamattar úshin úkimet" memlekettik korporasıasyn qurý mindetin júktegen bolatyn. Bul turǵyda Elbasy «Memlekettik korporasıa halyqqa qyzmet kórsetetin barlyq ortalyqtardy bir júıege ıntegrasıalaıdy Qazaqstan azamattary memlekettik qyzmetterdi bir jerden alatyn bolady dep atap kórsetti. Sonymen qatar memlekettik qyzmetti sapa menedjmenti iso 9000 serıasyna sáıkes halyqaralyq sertıfıkattaý máselesine de aıryqsha nazar aýdaryldy.
Memlekettik korporasıa «bir tereze» qaǵıdaty boıynsha jeke jáne (nemese) zańdy tulǵalarǵa memlekettik qyzmetter kórsetý, jeke jáne zańdy tulǵalardyń mindetti memlekettik tirkeýine jatpaıtyn jyljymaly múlik kepilin tirkeý, ǵımarattardy, qurylystardy jáne (nemese) olardyń quramdastaryn tehnıkalyq zerttep-qaraý, memlekettik jer kadastryn júrgizý, zeınetaqymen jáne áleýmettik qamsyzdandyrý salasynda qyzmetin júzege asyratyn biryńǵaı provaıder bolyp tabylady
Qazirgi tańda Jambyl oblysy boıynsha 22 bek –ofıs jáne 16 front-ofıs halyqqa óz qyzmetin kórsetýde.
-Memlekettik korporasıanyń aıyrylmas bóligi – «Elektrondyq úkimet» Elektrondy úkimet portaly jumys isteı bastaǵan sátten búgingi kúnge deıin «Ulttyq aqparattyq tehnologıalar» AQ azamattardyń úıden shyqpaı-aq ala alatyn qyzmetter men servıster tizbesin arttyrý jumystaryn jalǵastyryp keledi. Búgingi kúni, «Ulttyq aqparattyq tehnologıalar» AQ-nyń eGov.kz portaly ınfraqurylymyna 150-den asa aqparattyq júıeler men derekter qory ıntegrasıalanǵan. Iaǵnı, «bir tereze» qaǵıdasy boıynsha keshendi qyzmet kórsetýge múmkindik beredi jáne azamattar birneshe memlekettik organdarǵa barmaı-aq bir ǵana suraý salý arqyly qyzmetterdi paıdalana alady,-deıdi «Azamattarǵa arnalǵan úkimet» memlekettik korporasıasy Jambyl oblysy boıynsha fılıaly dırektorynyń orynbasary Danıar Medetbekov.
Qazirgi tańda bul baǵytta júıedi jumystar jalǵasyn tabýda.
