Elbasy- Qazaqstan Respýblıkasynyń Tuńǵysh Prezıdenti Nursultan Nazarbaev usynǵan «100 naqty qadam» Ult josparynyń birden-bir jemisi-elimizde «Azamattarǵa arnalǵan úkimet» memlekettik korporasıasynyń qurylýy ekendigi daýsyz. Búginde korporasıa qalyptasyp qana qana qoımaı, az ýaqytta-aq óz tıimdiligin dáleldep úlgerdi.
«Azamattarǵa arnalǵan úkimet» memlekettik korporasıasy» komersıalyq emes aksıonerlik qoǵamynyń damý strategıasyn oryndaý maqsatynda Taraz qalalyq №1 halyqqa qyzmet kórsetý ortalyǵy negizinde Sıfrlyq halyqqa qyzmet kórsetý ortalyǵynyń ashylyp, iske kiristi. Bul ortalyqta anyqtama, qoljetimdilik pýnkti, oqytý bólmesi, ózine ózi qyzmet kórsetý sektory, elektrondy sıfrlyq qoltańba ótilimderdi rastaý sektory qyzmet kórsetedi.
Bul halyqqa qyzmet kórsetý ortalyǵy eki sektorǵa bólingen. Munda halyqqa sıfrlyq júıede qyzmet kórsetiledi. Birinshi sektor – «oqytý bólmesi». Sektor 12 oqý orynǵa arnalǵan. 2 qyzmetker 2 aýysymda oqytý sabaqtaryn júrgizedi. «Sıfrlyq Qazaqstan» baǵdarlamasy aıasynda halyqqa elektrondyq qyzmetterdi paıdalana bilý úıretiledi.
Al ekinshi sektor – «Ózine ózi qyzmet kórsetý sektory». Ol 16 orynǵa jabdyqtalǵan. 12 oryn turyp jáne 4 oryn otyryp qyzmet alýǵa arnalǵan. Munda 3 maman túsindirme jumystaryn júrgizedi. Sıfrlyq qoltańbasy bar azamattar óziniń telefon nómirin jeke sáıkestendirý nómirine bekitip, kez kelgen ýaqytta kompúter arqyly qajetti elektrondy anyqtama ala alady. Osylaısha, kompúterde otyryp-aq qajetti formatta belgili bir memlekettik organnan qujatqa ótinim joldap, halyqqa qyzmet kórsetý ortalyǵynyń mamanymen onlaın-baılanysqa shyǵa alady.
-Qazirgi tańda elimizde «Sıfrlyq Qazaqstan» baǵdarlamasy júıeli júzege asýda. Bul jańashyldyqtan halyqqa qyzmet kórsetý ortalyǵy da qalys qalǵan joq. Búginde biz turǵyndardyń sıfrlyq saýattylyǵyn arttyrýǵa járdemdesip, «Elektrondy Úkimet» portalynyń múmkindikterin keńinen paıdalanýǵa kúsh salýdamyz. Bul baǵytta keń kólemde túsindirý júrgizilýde,-deıdi Taraz qaalyq sıfrlyq halyqqa qyzmet kórsetý ortalyǵy bóliminiń basshysy Shalqar Elemes.
Jańashyldyqqa negizdelgen jumystar aldaǵy ýaqytta da jalǵasa beretin bolady.
