Shyǵys Qazaqstan boıynsha kórý qabileti nashar balalarǵa arnalǵan jalǵyz jalǵyz oqý ornynyń negizi 1979 jyly qalanǵan. Osyndaı oqý ornyn ashý ıdeıasy oftalmolog Karatysh Lúdmıla Pavlovnaǵa tıesili. Ol kezde nashar kóretin balalar kóp boldy. Sol úshin de olarǵa iri qarippen arnaıy oqýlyqtar jáne oqytýdyń erekshe ádistemesimen qamtamasyz etý qajettigi týyndady.
Osylaısha, 1979 jyldyń tamyz aıynda nashar kóretin balalarǵa arnalǵan mektep-ınternatyn ashý týraly sheshim qabyldandy. 15 qazanda onyń ashylýy ótti. Jyl basynda 15 oqýshy, al oqý jylynyń sońynda 75-ke kóbeıdi.
Qazirgi ýaqytta mektep-ınternatta ártúrli kórý patologıasy bar 150 oqýshy bilim alýda.
Oqytý ortoptıkalyq kabınette, fızıokabınette emdelýmen qatar ótedi. Balalarǵa arnalǵan 25 kabınet, 9 jatyn bólme, psıholog kabıneti, kórý qabyldaýyn túzetý, emdik, dene shynyqtyrý, zamanaýı tehnıkamen jabdyqtalǵan kir jýatyn bólme, asqana, medısınalyq kabınet, kitaphana jáne akt zaly bar.
2001 jyldan bastap memlekettik tilde oqytatyn synyptarǵa balalar qabyldandy.
Mektep-ınternat ujymy únemi jańa ádister men jumys túrlerin izdestirip, jańa ǵylymı ázirlemelerdi únemi jańartyp otyrady. 2012 jyly Ankara qalasy jáne Semeı qalasy tıflopedagogıka boıynsha biliktilikti arttyrý kýrstary uıymdastyryldy.
– Bizdiń oqýshylarymyz óte belsendi. Basym kópshiligi shyǵarmashylyqpen aınalysyp, respýblıkanyń ǵana emes, sonymen qatar odan tys jerlerde baıqaýlarǵa, sporttyq jarystarǵa, pándik olımpıadalarǵa qatysady. 2013 jyly bizdiń oqýshylar Varshava qalasynda ótken "Zıatkerlik marafon" halyqaralyq olımpıadasyna qatysyp, komandalyq esepte 3-orynǵa ıe boldy. 2013 jyly Astana qalasynda ótken "Aqyldylar "ıntellektýaldyq marafony" respýblıkalyq olımpıadada Samarhanov Damır jeńimpaz atandy.
Mektepte sporttyq seksıalar jumys isteıdi. Máselen ústel tenısi, "Toǵyz qumalaq" ulttyq oıyny, shahmat. Dombyra, vokal, bı, "Sheber qoldar", "Jas sýretshi" jáne t.b. úıirmeler jumys isteıdi. Bizdiń balalar shahmat-doıby týrnırinde, oblystyq jáne respýblıkalyq jarystarda toǵyzqumalaqtan júldeli oryndarǵa ıe boldy, – dedi mektep-ınternatynyń dırektory Akram Qalıǵojın.
Mereıtoı qurmetine mektepte semınar ótti. Oǵan Nur-Sultan, Almaty, Shymkent qalalarynan kelgen mamandar qatysty. Oqý ornynda ashyq sabaqtar ótip, oqýshylar shyǵarmashylyqtarymen bólisti.
Semeı qalasynyń aqparattyq ortalyǵy
