Bul týraly aımaqtyq komýnıkasıalar qyzmetinde ótken brıfıńte Borodýlıha aýdanynyń ákimi Olga Býlavkına málim etti. Onyń aıtýynsha, aýdan ortalyǵy – Borodýlıhany abattandyrý jumystaryna oblystyq búdjetten 100 mıllıon teńge bólindi. Sondaı-aq Peremenovka, Jańa Shúlbi, Novopokrovka, Bel-Agash, Jezkent kentin kórkeıtýge 60 mln teńge qarastyryldy.

 

Borodýlıha aýdanyndaǵy Jeńis saıabaǵy, Novopokrovka aýylyndaǵy trotýarǵa aǵymdaǵy jóndeý jumystary júrgizildi. Balalarǵa arnalǵan oıyn alańy qoldanysqa berildi. Peremenovka, Jańa Shúlbi, Bel aǵash aýyldary men Jezkent kentinde tórt «Street workout» alańy salyndy. Oǵan 40 mln. teńge jumsaldy. Sondaı-aq Borodýlıha aýdanyndaǵy kópqabatty turǵyn úılerdiń aýmaǵy kórkeıtilip, birqatar jumys atqaryldy. Shaǵyn fýtbol alańynyń qurylysy bastaldy. Osy maqsatta 13 mln teńge qarastyrylǵan. Aǵymdaǵy aıdyń sońynda bul nysan el ıgiligine paıdalanýǵa berildi. Jolaýshylarǵa arnalǵan modýldik mekeme salynýda. Qazir onda elektr jelisin tartý, jaryqtandyrý, ortalyq sýmen qamtamasyz etý, alańdy asfálttaý, avtokólikterge arnalǵan alań, qoqys jáshikteri men oryndyqtar qoıylýda. Oǵan arnaıy tender ótkizildi. «Remnev». JK-men kelisimshart jasaldy. Aǵymdaǵy jyldyń qazan aıynyń sońyna deıin jolaýshylarǵa arnalǵan modýldik ortalyq paıdalanýǵa beriledi.