Qala turǵyndarynyń ótinishi boıynsha «Búdjetke qatysý» pılottyq jobasy boıynsha ótinimder qabyldaý 27 qazanǵa deıin uzartyldy. Daýys berý kezeńi 3-12 qarasha aralyǵynda ótedi. Almaty qalasynyń turǵyndary úshin bul – budget.open-almaty.kz saıtynda óz aýdandaryn damytý boıynsha jobalyq usynystardy berý nemese buryn berilgen jobalyq usynystardy pysyqtaý múmkindigi.

Búginde «Búdjetke qatysý» pılottyq jobasy aıasynda qala turǵyndary 231 ótinim berdi. Berilgen jobalyq usynystar sany boıynsha Almaly (67), Medeý (49) jáne Bostandyq (39) aýdandary kósh bastap tur. Barlyq jobalarmen budget.open-almaty.kz saıtynda, «Jobalyq usynystar sany» bóliminde tanysýǵa bolady.

28 qarashada jobalyq usynystardy jınaý kezeńiniń qorytyndysy boıynsha barlyq aýdandyq ákimdikter janynan qurylǵan saraptaý komısıalary qala turǵyndarynyń ıdeıalaryn joba talaptaryna sáıkestigine baǵalaıdy, sondaı-aq aldyn ala qol jetkizý hattamalaryn qalyptastyrady. 29 qazan-01 qarasha aralyǵynda jobalar pysyqtalǵannan keıin, budget.open-almaty.kz saıtynda qol jetkizýdiń qorytyndy hattamalary jarıalanady.

İske asyrýǵa ruqsat berý úshin joba Almaty turǵyndarynyń 10-nan astam daýysyn jınaýy tıis. Qalanyń bir turǵyny úsh jobalyq usynysqa daýys berýge quqyly.

Turý aýdanyna qaramastan, unaǵan jobalardy tańdap, oǵan daýys berýdiń eki ádisi bar:

• onlaın, ESQ paıdalana otyryp, budget.open-almaty.kz saıtynda;

• Open Almaty front-keńsesinde (Abaı d-ly, 90, Aımanov k-siniń qıylysy), jeke basyn kýálandyratyn qujatty usyna otyryp, qaǵaz túrinde daýys berý.