Kıberqylmyskerler bank klıentteriniń aqshasyn urlaýdyń jańa ádisi –smartfonǵa qashyqtan qol jetimdilik baǵdarlamasy arqyly oılap tapty, – dep Qamshy.kz aqparat agenttigi habarlaıdy  RIA Novostıge  silteme jasap.

Alaıaqtar adamdardy telefonǵa gadjetti basqarýǵa múmkindik beretin jańa baǵdarlama ornatýǵa sendiredi. Sarapshylardyń esepteýinshe, aı saıyn onyń kómegimen jeke tulǵalardyń shottarynan aqsha alýǵa myńnan astam áreket jasalady.

"İri bank úshin alaıaqtyqtyń bul túri úshin ortasha aılyq zalal alty mıllıonnan on mıllıon rúblge deıin jetýi múmkin", – dedi kıbershabýyldardyń aldyn-alýǵa mamandanǵan Group-IB bas dırektory Ilá Sachkov.

Kıber alaıaqtar qazaqstandyqtardy aldaý úshin buǵan deıin telnusqalaryn bank saıttarymen jasaǵan edi. Atap aıtqanda  Kaspi.kz jáne Homebank.kz qosarlanǵan saıttaryn ýaqytynda buǵattaý arqyly júzege asyrdy.

Fıshıng saıttarynda paıdalanýshylarǵa senimdi telefon nómiri men qupıa sózdi engizý suraldy. Ári qaraı alaıaqtar SMS-kodty engizip, óz shottaryna qol jetkize aldy.