Dúnıejúzilik janýarlar densaýlyǵyn saqtaý uıymynyń resmı saıty qus tumaýynan taza memleketter týraly aqparat jarıalady. Onyń ishinde Qazaqstan da bar, dep habarlaıdy aýyl sharýashylyǵy mınıstrliginiń baspasóz qyzmeti.
Bul – Qazaqstan Respýblıkasynyń barlyq veterınarlyq qyzmetiniń, onyń ishinde Aýyl sharýashylyǵy mınıstrliginiń, Veterınarlyq baqylaý jáne qadaǵalaý komıtetiniń, Qazaq veterınarıa ǵylymı-zertteý ınstıtýty ujymdarynyń úlken eńbegi.
Qus sharýashylyǵy salasy Qazaqstannyń agroónerkásip kesheniniń mańyzdy quramdas bóligi, onyń negizgi baǵyttary – jumyrtqa jáne et ónimderi bolyp sanalady.
Qus tumaýynan taza el mártebesi elimizdiń agroónerkásip kesheniniń eksporttyq áleýetin iske asyrýǵa úlken múmkindik beredi jáne Qazaqstannyń ekonomıkalyq damýy men ımıjine oń áserin tıgizetini anyq.
Memleket basshysynyń jańa naryqtardy ashý týraly tapsyrmasyn oryndaý maqsatynda atqarylǵan jumystardyń alǵashqy kórinisi dep ataýǵa bolady.
Pikir qaldyrý