Sarapshylar Búkilálemdik osteoporozben kúresý kúni qarsańynda qazaqstandyqtardyń densaýlyǵyna qatysty máselelerdi talqylady dep habarlaıdy Qamshy.kz aqparat agenttigi.

Almatyda Búkilálemdik osteoporozben kúresý kúnine oraı baspasóz-konferensıa ótti. Taǵamtaný men densaýlyq saqtaý salasynyń sarapshylary osteoporoz dertiniń taralýy kórsetkishterimen bólisip, qazaqstandyqtardyń qazirgi ýaqytta tamaqtanýyna qatysty paıda bolǵan ádetter saldarynan týatyn densaýlyq máselelerin talqylady.

Osteoporoz – súıek qańqasynyń álsireýi saldarynan súıek synǵyshtyǵyna ákeletin sozylmaly júıeli aýrý. Halyqaralyq osteoporoz qorynyń málimeti boıynsha ár 3 sekýnd saıyn álemde osteoporoz saldarynan súıek synady. Al 50 jastan keıin árbir ekinshi áıel jáne árbir besinshi er adam zardap shegip, ómiriniń sońyna deıin  súıek synýy dıagnozymen ómir súredi. Eń qaýiptisi bul dertjambas moıynynyń synýyna ákeledi jáneadam qazaǵa ushyraýy múmkin. Jambas moıyny synýynyń saldarynan bolatyn ólimniń jalpy álemdik kórsetkishi (20%) birqatar elderde ósip keledi.

Sozylmaly derttiń Qazaqstandaǵy kórsetkishterimen osteoporoz boıynsha QR dárigerler qaýymdastyǵynyń tóraıymy Gúljan Ǵabdýllına bólisti:

«Úsh mıllıon qazaqstandyq súıek tini álsireýinen zardap shegedi.Osteoporoz indetiniń ósimi 2012 jyldan beri 8 ese ósti. Bul ósim adamdardyń qazirgi zamanda tamaqtaný rasıonynyń ózgerýine baılanysty. Kálsıdiń táýliktik qajettiligi ár túrli jasta 400 ben 1300 gram arasynda bolǵanymen, qazaqstandyqtar arasynda quramynda kálsı bar, ásirese sútti jáne ashymal sút ónimderin paıdalanbaý keńinen taralǵan.Balalar arasyndaǵy táýliktik tutyný úlesi 25-30%-dy quraıdy» 

Ǵalymdar bala kezden bastalatyn teńdestirilgen tamaqtaný rasıonynyń bolmaýy osteoporoz damýynyń basty sebebi dep ataıdy. Sarapshylar osteoporozdyń aldyn alý maqsatynda balalar men úlkenderge arnalǵan durys tamaqtaný boıynsha óz keńesterimen bólisti.

 «Búkilálemdik Densaýlyq saqtaý uıymynyń aqparaty boıynsha álemdegi ólimniń 60%-y jáne dertterdiń 80%-y durys tamaqtanbaýǵa baılanysty. Kálsıdiń almasýy men sińýi aǵzanyń aqýyz ben A dárýmenimen qamtamasyz etilýine baılanysty. Ókinishke oraı, biz QR turǵyndarynyń tamaqtaný ádebiniń buzylýy baıqap kelemiz. Saldarynan densaýlyq nasharlaıdy. Árbir adamnyń rasıonynda makro jáne mıkro elementterge, lakto jáne bıfıdobakterıalarǵa toly sút pen «tiri ashymal sút» ónimderi bolýy tıis. Sol úshin de biz kálsıdiń táýliktik qajettiligin toltyrý úshin úlken adamdarǵa kúndelikti 600-800 gram sút ónimin tutynýǵa keńes beremiz» - dedi Qazaq taǵamtaný akademıasy men Ulttyq salaýatty taǵamtaný ortalyǵynyń prezıdenti Tóregeldi Sharmanov.

Baspasóz-konferensıa qorytyndysy boıynsha balalar arasynda osteoporozdyń aldyn alý sharalary aıtyldy.

«Osteoporoz máselelesi úlken qorqynyshty týǵyzady. Qazaqstan jasóspirimderiniń 50%-ynda súıek álsireýi baıqalady. Bul máseleniń sheshilýiniń birden bir joly durys tamaqtaný ádetteriniń bala kezden qalyptasýy. Almaty, Nur-Sultan, Shymkent qalalaryndaǵy bilim basqarmasynyń qoldaýymen qazan aıynyń basynan Healthy Generation (Deni saý urpaq) jobasy júzege asyrylyp keledi. Aı sońyna deıin 20 000-nan astam bastaýysh mektebiniń oqýshylary durys jáne teńdestirilgen tamaqtaný jaıynda ınteraktıvti dáristerin ótedi,» - dedi Healthy Generation jobasynyń yntageri, Qazaqstan, Ortalyq Azıa jáne Kavkaz elderindegi Danone kompanıasynyń korporatıvtik baılanys jónindegi dırektory Dinmuhamed Aısaýtov.

Anyqtama: Jyl saıyn 20 qazanda Búkilálemdik osteoporozben kúresý kúni atap ótiledi. Búkilálemdik Densaýlyq Saqtaý uıymy bul kúndi osteoporoz ben súıek metobolıttik aýrýlarynyń aldyn alý men emdeý ádisteri jaıly jahandy túrde aqparat taratý maqsatynda 1997 jyly bekitti.

Healthy Generationjobasy –durys tamaqtaný men sút ónimderin tutyný jaıynda bastaýysh synypta oqıtyn balalarǵa arnalǵan dárister. Jobanyń maqsaty – oqytý arqyly balalar men olardyń ata-analary arasynda durys tamaqtaný ádebin qalyptastyrý. Joba 8 qazanda bastalyp, Qazaqstannyń úsh qalasy Almaty, Nur-sultan, Shymkentte júzege asyrylyp keledi. Baǵdarlama aıasynda 20 402 bala qamtyldy.

Joba Danone kompanıasynyń «Taǵam arqyly neǵurlym kóp adamzat balasyna densaýlyq syılaý» atty basty qaǵıdasyna saı keledi.