Valentına Matvıenko Darıǵa Nazarbaevamen kezdesý barysynda senat spıkerine bedeldi halyqaralyq jıynda teń tóraǵa bolýdy usyndy

Senat spıkeri Darıǵa Nazarbaevaǵa Máskeý sapary barysynda 2021 jyly ótetin III Eýrazıalyq áıelder forýmynda teń tóraǵa bolý usynyldy.

"Valentına Matvıenko 2022 jyly Reseıde ótetin Dinaralyq jáne etnosaralyq dıalog jónindegi dúnıejúzilik konferensıany daıyndaý jóninde birlesken jumystardy bastaýdy usyndy, sondaı-aq Darıǵa Nazarbaevany 2021 jyly ótetin úshinshi Eýrazıalyq áıelder forýmynyń teń tóraǵasy bolýǵa shaqyrdy", – dep parlamenttiń joǵarǵy palatasynyń baspasóz qyzmetiniń baıandamasynda jazylǵan.

Eýrazıalyq áıelder forýmy – qazirgi qoǵamdaǵy áıelder rólin talqylaýǵa arnalǵan iri bedeldi halyqaralyq alań. Shara uıymdastyrýshylary - federaldyq jınalystyń federasıa keńesi men TMD-ǵa múshe memleketterdiń parlamentaralyq assambleıasy.

Kezdesý barysynda Valentına Matvıenko Reseı men Qazaqstannyń dostyq jáne odaqtastyq qatynastary eki memlekettiń damýynda mańyzdy ekenin atap ótti.

Sondaı-aq  D.Nazarbaeva V.Matvıenkoǵa I dárejeli "Dostyq" ordenin tabys etti.