Búgin Nur-Sultan men Almaty qalasynda  zańsyz sherý ótkizýge tyrysqandar boldy. Bul jaıynda QR İshki ister mınıstrliginiń baspasóz qyzmeti málim etti, – dep Qamshy.kz aqparat agenttigi habarlaıdy.

"26 qazanda Nur-Sultan men Almaty qalalarynda ruqsat etilmegen mıtıń ótkizýge tyrysqandar boldy. Bas prokýratýranyń zańsyz mıtıń týraly birneshe márte eskertýine qaramastan keı azamattar zań talabyn oryndaýdan bas tartty. Qazirgi ýaqytta polısıaǵa mán-jaıdy anyqtaý jáne ákimshilik jaýapkershilikke tartý máselesin qarastyrý úshin 26 adam jetkizildi. İshki ister mınıstrligi quqyq buzýshylyqtyń aldyn alý maqsatynda azamattary arandatýshylyq úndeýlerge ermeı, ekstremıstik uıymnyń zańsyz aksıalaryna qatyspaýǵa shaqyrady", – dep habarlady baspasóz qyzmeti.

İshki ister mınıstrligi azamattardy arandatýshylyqqa boı aldyrmaı, ekstremıstik uıymnyń zańsyz aksıalaryna qatyspaýǵa shaqyrdy.

Eske salsaq, keshe Bas prokýratýra "Qazaqstannyń demokratıalyq tańdaýy" ekstremıstik uıymynyń narazylyq aksıalaryn uıymdastyrýshylar men oǵan qatysýshylarǵa zańmen belgilengen tártipte qatań sharalar qoldanylatynyn habarlaǵan edi.

Bas prokýratýranyń habarlaýynsha, zańsyz aksıalarǵa qatysý faktileri rastalǵan jaǵdaıda ákimshilik quqyq buzýshylyqtar týraly kodekstiń 488-baby boıynsha jaýapkershilik qarastyrylǵan (50 AEK-ke deıin aıyppul (126 150 teńge), 15 táýlikke deıin qamaqqa alý).

Al qylmystyq kodekstiń 400-baby boıynsha 200 aılyq eseptik kórsetkishke deıin (505 myń teńge) aıyppul nemese 50 táýlikke deıin qamaýǵa alý jazasy belgilengen.